ரஜினிகாந்த் சென்னை திரும்புகிறார் - ரசிகர்களுக்கு லதா வேண்டுகோள்

கடந்த இருமாதங்களுக்கும் மேலாக திடீர் உடல்நலக்கோளாறு காரணமாக தீவிர சிகிச்சை வேண்டி சிங்கப்பூர் சென்றிருந்த திரைப்பட நடிகர் ரஜினிகாந்த் இன்று ஜூலை-13 புதன் கிழமை மாலை சென்னை திரும்புவதாக செய்தி வெளியாகி உள்ளது.

சிங்கப்பூர் மருத்துவமனையில் அறுவை சிகிச்சை முடிந்து கடந்த ஜூன் 14 ஆம் தேதி அவர் டிஸ்சார்ஜ் ஆகிவிட்டார். ஆனாலும் தொடர்ந்து அவரது உடல்நிலையைக் கண்காணிக்க, சிங்கப்பூர் மருத்துவமனைக்கு அருகாமையில் உள்ள குடியிருப்பில் வாடகை வீட்டில் ஒரு மாத காலம் தங்கி மருத்துவ ஆலோசனை பெற்று ஓய்வெடுத்து வந்தார்.


ரஜினிகாந்த் சென்னை திரும்பும் தேதியை முன்கூட்டியே அறிவிக்க வேண்டும் என லதா ரஜினியிடம் ரஜினி ரசிகர்கள் நேரில் தெரிவித்தனர். அவரும் அதற்கு தனது ஒப்புதலைத் தெரிவித்தார். அதன்படி, புதன்கிழமை இரவு 10.30 மணிக்கு வரும் சிங்கப்பூர் ஏர்லைன்ஸ் விமானத்தில் ரஜினியும் அவரது குடும்பத்தினரும் சென்னைக்கு வருகிறார்கள்.

இதற்காகவே காத்திருந்த அவரது ரசிகர்கள்,சென்னையில் பிரமாண்ட வரவேற்பு அளிக்க தயாராகி வருகின்றனர். சென்னை மன்ற நிர்வாகிகள் கட் அவுட்கள், பேனர்களை தயார் செய்து வருகின்றனர்.

சென்னை விமான நிலையம், கிண்டி, அண்ணாசாலை மற்றும் போயஸ் கார்டன் பகுதிகளில் பாதுகாப்பு பலப்படுத்தப்பட்டுள்ளது.ரசிகர்கள் கட்டுப்பாட்டுடன், மேற்குறிப்பிட்ட இடங்களில் நின்று அவருக்கு வரவேற்பளிக்க அனுமதிக்கப்பட்டுள்ளனர்.

ரஜினியைப் பார்க்கவும் அவரை வரவேற்கவும் சென்னை வரும் ரசிகர்கள், பாதுகாப்பு கருதி தனி வாகனங்களில் வராமல், அரசு பஸ்கள் அல்லது ரயில்களில் மட்டும் வருமாறு லதா ரஜினி கேட்டுக் கொண்டுள்ளார்.

மீனம்பாக்கம் விமான நிலையத்திலிருந்து அவரது வீடு அமைந்துள்ள போயஸ் கார்டன் வரை வரவேற்புக்கு ஏற்பாடுகள் செய்யப்பட்டு வருகின்றன.புதன்கிழமை இரவு விமானத்தில் அவர் சென்னை திரும்புகிறார்.

இதெல்லாம் ஓவர்.