வெற்றியின் அடித்தளம் பொறுமையே!

by **நண்பன்** Fri 15 Jul 2011 - 12:57

வெற்றியின் அடித்தளம் பொறுமையே!
,ஸ்லாம் மனித சமுதாயத்திற்கு பொறுமையை வலியுறுத்தி நிற்கின்றது. அலர்குர்ஆனும் சுன்னாவும் பல்வேறு இடங்களில் மனித சமூகத்திற்கு எச்சந்தர்ப்பத்திலும் பொறுமையைப் பற்றிப் பிடித்துக் கொள்ளும்படி வேண்டி நிற்கின்றது. இது பற்றி அல்குர்ஆன் குறிப்பிடும் போது

“ஈமான் கொண்ட விசுவாசிகளே நீங்கள் பொறுமை யைக் கடைப்பிடியுங்கள். (இன்னல்களை) சகித்துக் கொள்ளுங்கள்” (200: 03)

இஸ்லாமிய வரலாற்றை ஆராய்ந்து பார்த்தால் இஸ்லாத்தின் வளர்ச்சிக்கு இன்றியமையாத ஒரு காரணியாக பொறுமை இருந்ததை அவதானிக்கலாம். நபி (ஸல்) அவர்களும் ஸஹாபாக்களும் குறைஷிக் காபிர்களின் அநியாயங்களுக்கு மத்தியில் பொறுமையிழந்து தமது பிரசாரப் பணியை விட்டு ஒதுங்கி இருப்பார்களேயானால் இன்று இஸ்லாமிய மார்க்கம் உலகில் நிலை பெற்றிருக்காமல், முஸ்லிம்களும் காபிர்களும் எவ்வித வேறுபாடுகளுமின்றி ஒரே சமூகமாக வாழ்ந்திருப்பர்.

நபியவர்களும் ஸஹாபாக்களும் அன்று குறைஷிக் காபிர்களது எதிர்ப்பு நடவடிக்கைகளுக்கு மத்தியில் பொறுமை காத்ததன் விளைவே இஸ்லாம் இன்று எமக்குக் கிடைத்துள்ளது.

மேலும் இஸ்லாமிய வரலாற்றில் அல்லாஹ்வால் அனுப்பப்பட்ட நபிமார்கள் அனைவரும் தமக்கு எதிராக வந்த சவால்க¨யும் சோதனைகளையும் வெற்றி கொண்டதன் பின்பே தமது நடவடிக்கைகளில் முன்னெறிச் சென்றனர்.

உதாரணமாக நபி மூஸா (அலை) அவர்கள் தனக்கு சாவலாக இருந்த பிர்அவ்னின் அடாவடித்தனங்களுக்கு மத்தியில் பொறுமை காத்தார். நபி இஸ்மாயில் (அலை) அவர்கள் அல்லாஹ்வின் கட்டளைக்காக தனது உயிருடன் போராடி பொறுமைகாத்தார். நபி யூசுப் (அலை) அவர்கள் அவரது எஜமானின் மனைவி தவறான வழியில் நடக்க அழைத்த போது அப்பாவத்திலிருந்து மீட்சி பெற பொறுமை காத்தார்.

நபி யஃகூப் (அலை) அவர்களது உடலில் கொப்பளங்கள் ஏற்பட்டு புழுக்கள் வெளியாகும் அளவுக்கு அல்லாஹ்வால் சோதிக்கப்பட்ட போது பொறுமை காத்தார். நபி இப்றாஹீம் (அலை) அவர்கள் நெருப்புக்குவியலில் எறியப்பட்ட போது பொறுமை காத்தார்.

இவ்வாறு இஸ்லாமிய வரலாற்றில் காலத்துக்குக் காலம் அனுப்பட்ட நபிமார்கள் அனைவரும் அல்லாஹ்வினால் சோதனைகளுக்கு உட்படுத்தப்பட்டும் கூட அவர்கள் பொறுமை எனும் பண்பை பற்றிப் பிடித்ததன் விளைவாக தனக்கு எதிராக வந்த சவால்கள், சோதனைகள் அனைத்திலும் வெற்றிபெற்று தமது இலட்சியங்களை அடைந்தனர். இது பற்றி அல்குர்ஆன் குறிப்பிடும் போது,

“விசுவாசங் கொண்டேரே பொறுமையைக் கொண்டும் தொழுகையைக் கொண்டும் உதவி தேடுங்கள் நிச்சயமா அல்லாஹ் பொறுமையாளர்களுடன் இருக்கின்றான்” (153 : 2)

“நிச்சயமாக கஷ்டத்துடன் இலேசு இருக்கிறது” (103: 06)

எனவே நாம் பொறுமையை கடைபிடித்து வரலாற்றில் சாதனையாளர்களாகத் திகழ்வோமாக!

அப்துல் அkஸ் ரவூப்
இர்பானியாவளாகம், கெகுனுகொல்ல