வய் - ஃபி (Wi - Fi) தொழில்நுட்பம் பற்றி .......

by **nazimudeen** Fri 15 Jul 2011 - 18:14

கம்பியில்லாத அதாவது WIRELESS தொழில்நுட்பம் பல இடங்களில், அமோகமாக, இன்று பயன்படுத்தப் பட்டுவருகிறது. இதன் விரிவு - வயர்லெஸ் ஃபிடெலிடி - Wireless Fidelity - என்பதோடு, இத்தொழில்நுட்பம் வய் - ஃபி அலையன்ஸ் - (Wi-Fi Allaines) - ஆல் உருவாக்கப்பட்டு உள்ளது.

இந்த வயர்லெஸ் நுட்பமானது Radio, Television, Computer, Cell Phone என்று பல தரப்பட்ட சாதனங்களில், கடை பரப்பி, பல்வேறு அலைவரிசைகளில் உபயோகப் படுத்தப்பட்டு வருகிறது.

இந்த வய் - ஃபி - க்கு 2.4 கிகா ஹெர்ட்ஸ் (Giga Hertz) முதல் 5 கிகா ஹெர்ட்ஸ்
(Giga Hertz) வரையிலான அலைவரிசை ஒதுக்கப்பட்டுள்ளது. இதனை 802.11 என்ற எண்ணால் குறிப்பிடுகிறார்கள். வினாடிக்கு 11 மெகா பைட் (Mega Byte) முதல் 140 மெகா பைட் வரை தகவல்களைக் கடத்தவல்ல திறன் கொண்டதும் கூட.
வயர்லெஸ் முறையில் கணினிகள், பிரிண்டர்கள், மடிக்கணினிகளுக்கிடையே தொடர்பை ஏற்படுத்திடவும் இத்தொழில்நுட்பம் உதவுகிறது.

தற்போது கார்ப்பரேட் நிறுவனங்கள், கல்வி நிறுவனங்கள், விமான நிலையங்கள்,
இரயில் நிலையங்கள் போன்ற பல இடங்களிலும் இணையத்தை பயன்படுத்துவதற்காக வய் - ஃபி அக்ஸஸ் பாயிண்ட்கள் அமைக்கப்பட்டுள்ளன.
மேலும் வீடுகள், சிறு நிறுவனங்களிலும் இணைய இணைப்புக்காக பயன்படுத்தப்படும் மோடம்களில் கூட வய் - ஃபி ரூட்டர் (Wi-fi Router) பொருத்தப்பட்டே விற்பனைக்கு வருகின்றன.

வய் - ஃபி (Wi - Fi) தொழில்நுட்பம் பற்றி ....... Wifi+network

வய் - ஃபி வசதி உள்ள இடங்களில் பயன்படுத்துவதற்கு என்றே மடிக்கணினிகள் (Laptop), குளிகைக் கணினிகள் (Tablet PC), கைபேசிகள் (Smart Phones) என பல மாடல்களில் விற்பனையாகி கொண்டிருக்கின்றன.
வய் - ஃபி சாதனங்களுக்கான இந்திய சந்தையின் தற்போதைய மதிப்பு தோராயமாக 120 கோடி என்றும், வரும் காலங்களில் 400 கோடிக்கு மேல் வளர்ச்சியடைய வாய்ப்புள்ளது எனவும் எதிர்பார்க்கப்படுகிறது.

வய் - ஃபி தொழில் நுட்பம் சிறந்ததாக கருதப்பட்டாலும் சில பாதுகாப்புக்
குறைபாடுகளும் உள்ளன. வய் - ஃபி நெட்வொர்க்கில் ஹேக்கர்கள் எளிதில் நுழைந்து பயன்பாட்டாளரின் தகவல்களை திருடி நாசவேலைகளில் ஈடுபடும் சாத்தியக்கூறுகள் நிரம்பவே உண்டு.

வய் - ஃபி நெட்வொர்க்கின் எல்லைக்குட்பட்ட பகுதியில் இருந்து
அந்நெட்வொர்க்கை ஹேக் செய்ய இயலும். இதற்கான மென்பொருட்கள்கூட
இணையத்தில் கிடைக்கின்றன. திட்டமிடப்பட்ட ஹேக்கிங் என்றில்லாமல், எதேச்சையாக கிடைக்கும் வய் - ஃபி நெட்வொர்க்கிலும் கூட விளையாட்டாக, சிலர், இணைந்து விஷமத்தனமான குழப்பங்கள் மற்றும் தகவல்கள் திருடுதல் போன்றவைகளையும் செய்கிறார்கள்.
தற்காலிகமான போலி வய் - ஃபி நெட்வொர்க்கையும் உருவாக்கி அண்டை வீட்டாரின் கணினிகளுடன் தொடர்பை ஏற்படுத்தி தகவல்கள் திருடுவது போன்ற பல வழிமுறைகளும் கையாளப்படுகின்றன.

ஆக, தீய நோக்கத்துடன் யாரும் வயர்லெஸ் நெட்வொர்க்குகளை அணுகாமல் தடுக்க வய் - ஃபி ரூட்டரின் பாஸ்வேர்டை சாதாரணமானதாக இல்லாமல் கடினமானதாக அமைப்பதே சிறந்தது. மேலும், வய் - ஃபி நெட்வொர்க்கிற்கான பாதுகாப்பு அமைப்பையும் (Security Setup) செயற்பாட்டிலேயே வைத்திருக்க வேண்டியதும் அவசியம். சிறு நிறுவனங்கள் மற்றும் வீடுகளில் பயன்படுத்தப்படும் வய் - ஃபி ரூட்டர்களுக்கும் இவை பொருந்தும். நெட்வொர்க்கிலேயே எப்பொழுதும்
இருக்கக்கூடிய Desk Top, Lap Top, Tablet PC, Printer, Smart Phone போன்ற
கருவிகளுக்கு வய் - ஃபி இணைப்பை அனுமதிக்ககூடிய ஃபில்டர்களை பயன்படுத்துவது நல்லது. மேலும் திறந்த நெட்வொர்க்குகளை தானாகவே இணைக்கும் (Automatic Access) தானியங்கி அமைப்புகள் செயற்பாட்டில் இருந்தால் அவற்றின் செயற்பாட்டையும் நிறுத்தி வைப்பது நல்லது. நெட்வொர்க்குகளுக்கு தேவையான ஃபயர்வால் (Firewall) போன்ற கூடுதல் பாதுகாப்பு வளையங்களையும் ஏற்படுத்த வேண்டும்.

--- அன்புடன் உங்கள் சகோதரன்:
பரங்கிப்பேட்டை - காஜா நஜிமுதீன், ரியாத்.