ஒபாமாவை கொல்வதற்கு பின்லாடன் வகுத்த திட்டம் : வெளியானது புதிய தகவல்

by **நேசமுடன் ஹாசிம்** Sat 16 Jul 2011 - 17:02

அமெரிக்க அதிபர் பாரக் ஒபாமா மற்றும் ஆப்கானில் நிலைகொண்டிருக்கும் அமெரிக்க படைத்தளபதி, ஜெனரல் டேவிட் பெட்ராவுஸ் ஆகியோரை படுகொலை செய்வதற்கு ஒசாமா பின் லேடன் திட்டமிட்டிருந்ததாக புதிய தகவல்கல் வெளியாகியுள்ளன.

ஒசாமா பின்லேடன் கொல்லப்பட்ட அபோத்பாத் மாளிகையிலிருந்து இதற்கான ஆதாரங்கள் சிக்கியுள்ளதாக, தெரிவிக்கப்பட்டுள்ளது.

ஆப்கானிஸ்தான் மற்றும் பாகிஸ்தான் வலய பகுதியின் ஊடாக ஒபாமா மற்றும் பெட்ரியஸ் ஆகியோர் பயணம் செய்யும் போது அல்லது இராணுவ நடவடிக்கைகளை பார்வையிடுவதற்காக அங்கு வருகை தரும் போது, அவர்களது விமானங்கள் மீது தாக்குதல் நடத்த வேண்டும் என்பதாக இத்திட்டம் தீட்டப்பட்டுள்ளது.

இதற்காக, பின்லாடனின் தாக்குதல் தளபதி அப்த் அல் ரஹ்மான் இரகசிய திட்டம் ஒன்றை தீட்டிக்கொடுத்தார். ஆனால் இதனை வெற்றிகரமாக யாரால் நடத்த முடியும் என அல் ரஹ்மான் முன்மொழிந்த பெயர்களை, பின்லாடன் நிராகரித்திருந்திருந்தார் என அத்தகவல்கள் கூறுகின்றன.

மேலும் யேமனை தளமாக கொண்ட அல் கைதா குழுவினருடனும், ஒசாமா பின் லாடன் தொடர்புகளை பேணிவந்தார் எனவும் தெரிவிக்கப்பட்டுள்ளது.