இந்தோனேசியாவில் எரிமலை வெடித்தது - 1000 ற்கு மேற்பட்டோர் வெளியேற்றம்

இந்தோனேசியாவின் மவுண்ட் லோகோன் எரிமலை வெடித்துள்ளது.



இதனால் அருகில் உள்ள குடியிருப்புக்களில் இருந்து சுமார் 1000 கணக்கான பொதுமக்கள் அங்கிர்ந்து வெளியேறி வருகின்றனர்.

இந்தோனேசியாவின் மவுண்ட் லோகோன் எரிமலை நேற்று நள்ளிரவு வெடித்தது. இதனால் அருகில் உள்ள குடியிருப்புக்களில் இருந்து சுமார் 1000 கணக்கான பொதுமக்கள் அங்கிர்ந்து வெளியேறி வருகின்றனர்.


லோகோன் எரிமலை, மத்திய இந்தோனேசியாவின் சுலாவேஸி மாகணத்தில் உள்ளது. நேற்றிரவு 10.46 மணிக்கு ஒரு தடவையும், நள்ளிரவு 1.10 மணியளவில் மீண்டும் ஒரு தடவையும் இந்த எரிமலை வெடித்தது.

இதையடுத்து புகை, எரிமலை குழம்பு என்பவற்றை கக்கத்தொடங்கியுள்ளது இந்த எரிமலை.
இதனால் மக்கள் இரவோடு இரவாக அப்பகுதியில் இருந்து வெளியேறத்தொடங்கியுள்ளனர். அந்நாட்டு காவற்துறையினரும், தீயனைப்பு படையினரும், எரிமலை வெடிப்பு பகுதிக்கு விரைந்துள்ளதுடன், பொதுமக்களை மீட்க தேவையான நடவடிக்கையை எடுத்து வருகின்றனர்.

சுமார், 5,741 அடி உயரமான குறித்த எரிமலை, ஒரு வாரத்திற்கு முன்னர் இருந்தே வெடிக்கும் அபாயத்தில் இருந்ததால், பொதுமக்களை அங்கிருந்து வெளியேறுமாறு பணிக்கப்பட்டிருந்தனர்.

இதையடுத்து சுமார் 2000 பேர் வெளியேறியிருந்தனர்.

பசுபிக் சமுத்திரத்தின், நெருப்பு வளைய தட்டுக்களுக்கு மேலாக இந்தோனேசியாவின் நிலப்பரப்பு அமைந்துள்ளதால், நிலநடுக்கம், எரிமலை வெடிப்பு என்பன அங்கு அடிக்கடி நடைபெறுகின்றன. அங்கு, விழிப்பு நிலையில் உள்ள சுமார் 129 எரிமலைகளில் தற்போது வெடித்துள்ள மவுண்ட் லோகோன் எரிமலையும் ஒன்றாகும்.

இது கடைசியாக 1991 ம் ஆண்டு வெடித்திருந்த போது சுவிஸ் நாட்டை சேர்ந்த மலை ஏறும் நபர் ஒருவர் உயிரிழந்திருந்தர். மேலும் ஆயிரக்காணோர் இடம்பெயர்ந்தனர்.

தகவலுக்கு :”@: