பிலிப்பைன்ஸில் எரிமலை குமுறியது: இரண்டாயிரம் குடும்பங்கள் வெளியேற்றம்

பிலிப்பைன்ஸில் எரிமலை குளம்புகளை வெளியிடத் தொடங்கியதால் இரண்டாயிரம் குடும்பங்கள் இருப்பிடங்களைவிட்டு வெளியேறின. திங்கட்கிழமை அதிகாலை இந்த எரிமலை குமுறத் தொடங்கியது. விவசாயிகள் பெரும்பான்மையாக வாழும் பண்ணை நிலம் அமைந்துள்ள பகுதியிலே இந்த எரிமலை அமைந்துள்ளது.

இதனால் பெரும் புகை மண்டலம் ஏற்பட்டு சாம்பல் படிவுகளும் நிலத்தில் வீழ்ந்தன. இவை அதிகளவான பயிர்களையும் பாதித்தது. சாம்பற் படிவுகளால் பாதிக்கப்பட்ட 38 மாணவர்கள் கடுமையான சிகிச்சைக்குட்படுத்தப்பட்டனர். எரிமலையுள்ள பிரதேசத்திலிருந்து நான்கு கி. மீற்றர் எல்லை வரை எவரையும் செல்ல வேண்டாமென பொது மக்களை அரசாங்கம் கேட்டுள்ளது.

புகை மண்டலத்தால் சாம்பல் படிவு ஏற்படும் பொழுது தொண்டை, மூக்கு, நாவு, கண் போன்ற மனித உறுப்புகளில் நுழைந்து பாரிய அழற்சியை ஏற்படுத்தும் எனவே மக்களை பாதுகாப்பாக இருக்கும்படி அரசாங்கம் கேட்டுள்ளது.

பிலிப்பைன்ஸின் புலுசான் என்ற விவசாயப் பிராந்தியத்தில் 23 எரிமலைகள் உள்ளன. இவை அடிக்கடி குளம்புகளை வெளியிடுகின்றமை வழமை. இதனால் இப்பிரதேசங்களில் பாதுகாப்பான விமானப் பயணங்களை மேற்கொள்வதும் சிரமமாகவுள்ளது. விமான சேவைகள் அனைத்தும் மறு அறிவித்தல் வரை இப் பிரதேசத்துக்கு இடம்பெறாதென அரசாங்கம் அறிவித்துள்ளது.

: {)) {))