கால்பந்தாட்டம்: கத்தார் அணியை வீழ்த்தியது இந்தியா

by **நேசமுடன் ஹாசிம்** Mon 18 Jul 2011 - 16:43

தோஹாவில் நடைபெற்ற நட்பு முறை கால்பந்தாட்டத்தில் இந்தியா, கத்தார் அணியை 2- 1 என்ற கோல் கணக்கில் வீழ்த்தியது.
வரும் 23 ம் திகதி உலகக் கோப்பை கால்பந்து போட்டிகளுக்கான ஆசிய மண்டலத் தகுதிச் சுற்றுப் போட்டிகளுக்காக அணிகள் தயார் படுத்தி வருகின்றன. வியட்னாம் அணியை கத்தார் அணியும் யு.ஏ.இ. அணியை இந்தியாவும் எதிர்கொள்கிறது.

அதற்கு முன்னதாக இன்று நட்பு முறை பயிற்சி ஆட்டம் நடைபெற்றது. கால்பந்து தரவரிசையில் இந்தியா 147 வது இடத்தில் உள்ளது. கத்தார் 94 வது இடத்தில் உள்ளது. ஆட்டம் துவங்கி 16 வது நிமிடத்தில் பெனால்டி மூலம் சுனில் சேட்ரி முதல் கோலை அடிக்க இந்தியா முன்னிலை பெற்றது. பிறகு ஆட்டத்தின் 72 வது நிமிடத்தில் ஷில் குமார் சிங் இரண்டாவது கோலை அடிக்க கத்தார் அணி அதிர்ச்சியுற்று ஆக்ரோஷத்தைக் கூட்டியது. ஆனால் அந்த அணியினால் ஒரு கோலை மட்டுமே அடிக்க முடிந்தது.