வயதான பெண் கற்பழிப்புமுதியோர் இருவர் கைது

by **யாதுமானவள்** Fri 22 Jul 2011 - 8:46

இடைப்பாடி:இடைப்பாடி அருகே மூதாட்டியை கற்பழித்ததாக, இருவர் கைது செய்யப்பட்டனர். அவர்களிடம், விந்தணு பரிசோதனை நடத்த போலீசார் முடிவு செய்துள்ளனர்.இடைப்பாடி அருகே உள்ள வெள்ளார் நாயக்கன் பாளையம் பகுதியை சேர்ந்தவர் வெங்கடாசலம் மனைவி மாரக்காள், 55. இவருக்கு இரண்டு மகள்களும், ஒரு மகனும் உள்ளனர். அனைவருக்கும் திருமணமாகி விட்டது. மாரக்காளின் கணவர் வெங்கடாசலம், எட்டு ஆண்டுகளுக்கு முன், இறந்து விட்டார். இந்நிலையில், மாரக்காள், சித்தன் மனைவி சீரங்கம்மாள், 50, என்பவருடன் வசித்து வருகிறார்.

நேற்று முன்தினம் மாரக்காள் மட்டும் வீட்டில் தனியாக இருந்தார்.

அப்போது, அதே பகுதியை சேர்ந்த காளியப்பன், 60, பழனிசாமி, 58, ஆகியோர், மாரக்காளை பலாத்காரம் செய்தனர். அப்போது வீட்டுக்கு வந்த சீரங்கம்மாள் சத்தம் போட்டதால், காளியப்பன், பழனிசாமி இருவரும் தப்பி ஓடிவிட்டனர். இது குறித்து மாரக்காள், இடைப்பாடி போலீசில் புகார் செய்தார்.

புகாரின் பேரில், இடைப்பாடி போலீசார் வழக்கு பதிவு செய்து, காளியப்பன், பழனிசாமி ஆகிய இருவரையும் கைது செய்தார்.கற்பழிப்பு புகார் கூறியுள்ளதால், காளியப்பன், பழனிசாமி இருவருக்கும் விந்தணு பரிசோதனை செய்ய, போலீசார் முடிவு செய்துள்ளனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.
தினமணி