எந்திரன் படத்தில் ரோபோ உருவாக்கம் எப்படி

by **பாயிஸ்** Wed 27 Jul 2011 - 17:48

எந்திரன் படத்தில் ரோபோ உருவாக்கம் எப்படி ? மதன் கார்க்கி பேட்டி

சூப்பர் ஸ்டாரின் எந்திரன் திரைப்படத்தில் பாடலாசிரியர், திரைக்கதை, மற்றும் வசனம் ஆகியவற்றில் இயக்குனருக்கு ஒத்துழைப்பு அளித்து, கிராபிக்ஸ் தொழில்நுட்ப ஆலோசகராக பணியாற்றியவர் மதன் கார்க்கி, தற்போது பல படங்களுக்கு பாடலாசிரியராக பணியாற்றி வருகிறார். வைரமுத்துவின் மகன் என்பது இவரின் கூடுதல் பெருமை எந்திரனில் பூம் பூம் ரோபோடா பாடல் முதல் நண்பன் திரைபடத்தின் பாடல் வரை பாடலாசிரியர் பணி தொடர்கிறது...

அவர் நமக்கு அளித்த பேட்டியிலிருந்து...

எந்திரன் படத்தின் உருவாக்கத்தில் உங்களின் பங்கு பற்றி?

எந்திரன் படம் இயக்குனர் ஷங்கர் சாரோட 10 வருட எந்திரன் படத்தில் ரோபோ உருவாக்கம் எப்படி Madhankarki

எந்திரன் படத்தில் ரோபோ உருவாக்கம் எப்படி Madhankarki

கனவு புராஜெக்ட், இதுக்காக அவர் பல வருடங்களாக உழைத்து இருக்கிறார். மேலும் உருவாக்கத்தில் மறைந்த எழுத்தாளர் சுஜாதா அவர்களின் பங்கு திரைக்கதையிலும் வசனத்திலும் அதிகம் இருந்தது . அவர் இறப்பு இந்த திரைப்பட உருவாக்கத்திற்கு இழப்பா இருக்கும்னு நினைத்தேன். அதோட எனக்கு ரோபோ பற்றிய சில விசயங்கள் தெரியும் என்பதால் நானே ஷங்கர் சார்கிட்ட போய் இந்த படத்துல எதாவது உதவி வேணும்னா என்னக்கூப்பிடுங்கனு சொன்னேன். அவர் கூப்பிட்டார் சேர்ந்து வேலை பார்த்தேன்..

ரோபோன்னா இப்பிடி தான் இருக்குனு எப்பிடி உருவம் கொண்டு வந்திங்க?

இதுக்கும் முழுக்க முழுக்க ஷங்கர் சார் தான் காரணம், அதையும் தாண்டி நான் அது சம்மந்தமான புத்தகங்களை படித்தும், இணைய தளங்களிலும் தேடினேன். ஆஸ்திரேலியால நான் படிச்சப்ப அது சம்மந்தமான படிப்பு படிச்சதுனால அந்த துறை சார்ந்த நண்பர்களுடன் கலந்துரையால் செய்து, 3டி மேக்ஸ், போட்டோ ஷாப், பியூஷன், மேக்காப்ரோ, மாயா ஆகிய ஸாப்ட்வேர்களில் வடிவம் கொடுத்து, இதற்காக உழைத்து இப்படி ஒரு உருவம் கொண்டு வந்தோம்.

எந்திரன் உருவாக்கதிற்கு உதவிய தொழில்நுட்ப கலைஞர்கள் பற்றி?

ரோபோ உருவம் எல்லாம் வருவதற்கு ஷங்கர் சார் தான் ஹாலிவுட் தொழில்நுட்ப எந்திரன் படத்தில் ரோபோ உருவாக்கம் எப்படி Shankar03

எந்திரன் படத்தில் ரோபோ உருவாக்கம் எப்படி Shankar03

ஆட்களை நியமித்தார். இதெல்லாம் மிகப்பெரிய நிறுவனம் தயாரிப்பில் உதவியது தான் முக்கிய காரணம். என் பக்கதிலிருந்து சில தொழில்நுட்பங்களை நியமித்தேன் .

இலக்கிய உதவியும், தொழில்நுட்ப உதவியும் எந்த அளவுக்கு உதவியது ?

எனக்கு புத்தகம் படிக்கிற பழக்கம் அதிகம் கிடையாது . எதேனும் தேவையென்றால் அது சம்மந்தமான புத்தகங்களை தேடி படிப்பேன் அவ்வளவு தான். ரோபோ உருவாக்கத்திற்காக சில புத்தகம் படித்தேன். மற்றபடியெல்லாம் புத்தகம் படிக்கிற பழக்கம் குறைவு தான்.

தொழில்நுட்பம் அப்படினு பார்த்தால் நான் பிஇ கம்யூட்டர் சயின்ஸ், அண்ணா பல்கலைகழகத்துல படிச்சேன். மாஸ்டர் டிகிரி ஆஸ்திரேலியாவுல பண்ணினேன். அப்படியே அதில் பிஎச்டி. அதனால தொழில்நுட்ப ரீதியில இதை அணுகுவதற்கு ரொம்ப உதவியா இருந்தது. மேலும் ரோபோ பற்றிய தனிகவனம் இருந்தது. நண்பர்கள் சேர்ந்தா ரோபோ உருவாக்கம் பற்றி தான் பேசுவோம். அதனாலேயே இப்படி ஒரு சயின்ஸ் பிக்சன் படத்துக்கு வேலை பார்க்க நானாகவே தனி கவனம் எடுத்துகிட்டேன்.

எந்திரனுக்குள் வரும் உணர்வுகளை பற்றி ?

மனிதனுக்கு பார்த்திங்கன்னா, எந்த உணர்வும் உட்புகுத்த வேண்டிய அவசியம் எந்திரன் படத்தில் ரோபோ உருவாக்கம் எப்படி Enthiran

எந்திரன் படத்தில் ரோபோ உருவாக்கம் எப்படி Enthiran

இல்லை இயற்கையாவே எல்லா உணர்வுகளும் இருக்கும். ஆனால் எந்திரங்களுக்கு எந்த விசயமும் நாமே சொல்லி தர வேண்டி இருக்கு, அது ஒரு குழந்தை மாதிரி நாம தான் அதுக்கு ஒவ்வொரு விசயமா உட்புகுத்த வேண்டும். நாம் கற்று கொடுக்கிற சின்ன சின்ன விசயங்களை கூட அது தெளிவா புரிஞ்சுகிற முடியும். ஒரு சின்ன சிப் தான் எல்லாத்துக்கும் காரணம் ஆகுது. மனிதனுக்குமே பார்த்திங்கன்னா குரோமோசோம், ஹார்மோன், அட்ரினைல் சுரப்பி அப்படின்னு எல்லாம் இருக்கு, இது செய்கிற மாற்றங்கள் தான் மனிதனுள் ஏற்படுகிற எல்லா மாற்றத்துக்கு காரணம் ஆகுது . அதே மாதிரி தான் ரோபோவும், மனிதன் இது போன்ற உணர்வுகளை தெரிந்து கொண்டு அதை ரோபோக்களுக்கு சொல்லி தருவதால் தான் இவ்வளவு மாற்றமும் நடைபெறுகிரது. அதுனால தான் ரோபோக்கு ஹார்மோன் ஸ்டிமுலேசன் அப்படிங்கிற விசயத்தை செய்றாங்க. எது சரி எது தப்புன்னு அதுக்கு தெரியாது. ஒவ்வொரு ஹார்மோன் ஒவ்வொரு உணர்வுகளை ஏற்படுத்துகிறது. இது போன்ற உணர்வுகள் ஆக்கத்திற்கு எப்படி பயன்படுத்தலாம் அழிவுக்கு எப்படி பயன்படுத்துவது போன்றவற்றை இதில் சொல்லப்படுகிறது.

உணர்வுகளை சிப் மூலமா கொண்டு வந்துட முடியுமா ?

இதுவும் ஒரு முறை தானே தவிர இதை மட்டுமே வைத்தே எல்லாம் செய்து விடமுடியாது. ஆனால் தியரிடிக்களா எல்லா விசயங்களையும் உணர்வுகளையும் உட்புகுத்திட முடியும் என்ற ஒரு விசயத்தை தான் நாங்க இதுல செய்து இருக்கோம்

அங்கீகாரம் ?

கடந்த ஆண்டு விஜய் டிவி அவார்ட்ஸ் புதிய கண்டுபிடிப்பு அப்படின்னு ஒரு அவார்ட் கொடுத்தாங்க . மற்றபடி ஒன்னும் இல்லை...

இயக்குனர் ஷங்கரின் ஒத்துழைப்பு எப்படி இருந்தது ?

அவர் ஒரு புதியவரை டிரீட் பண்ணுன மாதிரியே என்னை டிரீட் பண்ணல, முழுக்க முழுக்க கதையை எங்கிட்ட கொடுத்து இந்த ஸ்கிரிப்ட்ல எங்க மாற்றம் செய்யனும்னாலும் செய்யுங்கன்னு முழு சுதந்திரம் கொடுத்தார். அவரே சொன்னார் நான் காலேஜ் போகுற சுஜாதாவா தான் உங்களை பாக்குரேன்