புதிய கார் உற்பத்தி

by **Atchaya** Sat 30 Jul 2011 - 5:59

அமெரிக்க ஃபோர்ட் கார் நிறுவனம், இந்தியாவில் 1 பில்லியன் அமெரிக்க டாலர்கள் முதலீட்டில் புதிய கார் உற்பத்தி நிறுவனம் ஒன்றை உருவாக்க உள்ளதாக அறிவித்துள்ளது. குஜராத்தின் மேற்கு பகுதியில் இது அமைக்கப்படவிருக்கிறது.

அடுத்து 4 வருடத்தில் தனது மொத்த விற்பனைத்திறனை 50% வீதமாக அதிகரிக்கவும், வருடத்திற்கு 8 மில்லியன் கார்களை உற்பத்தி செய்யவும் திட்டமிட்டிருப்பதாகவும் அதன் ஒரு கட்டமாக இந்திய முதலீடு அமையவுள்ளதாகவும் ஃபோர்ட் இந்திய கிளையின் தலைவர் மிஷேன் போன்ஹாம் தெரிவித்துள்ளார்.

அவர் மேலும் தெரிவிக்கையில் உலகில் மிக வேகமாக வளர்ந்து வரும் நாடுகளில், எமது சந்தைகளை விரிவாக்கம் செய்ய தீவிரமாக முயற்சிக்கிறோம். இந்தியாவின் விரைவான பொருளாதார விரிவாக்கம், கார்கள் போன்ற பெறுமதியான பொருட் தேவையை கணிசமாக அதிகரிக்க செய்துள்ளது என்றார்.

கடந்த 10 வருடங்களாக ஃபோர்ட் நிறுவனம், இந்தியாவில் கார்களை உற்பத்தி செய்து வருகிறது.

எதிர்வரும் 2013ற்குள் இந்தியாவில் தனது உற்பத்தி திறனை இரு மடங்காக அதிகரிக்க போவதாக கடந்த புதன்கிழமை டொயோட்டோ நிறுவனமும் அறிவித்திருந்தது. இதற்காக 220 மில்லியன் டாலர்கள் மூலதனமிட்டுள்ளது.