கால் முளைத்த சீனப் பாம்பு!

by **இன்பத் அஹ்மத்** Tue 28 Dec 2010 - 12:11

அதிசயங்கள் நிகழும் நாடாக சீனா மாறி வருகிறது. சமீபத்தில்தான் அங்குள்ள மலைப்பிரதேசம் ஒன்றில் நீளமான பின்னங்கால்களைக் கொண்ட அரிய வகை எலி கண்டறியப்பட்டது.
இப்போது கால் ஒன்று வளர்ந்த நிலையில் பாம்பு கண்டறிப்பட்டுள்ளது.

தென்மேற்கு சீனாவில் உள்ள சூயினிங் பகுதியைச் சேர்ந்தவர் கியாங்சியு. இவர் தன்னுடைய அறையில் உறங்கிக் கொண்டிருந்த போது சத்தம் கேட்டு எழுந்திருந்திருக்கிறார்

“முதல்ல லைட்டைப் போட்டேன். பார்த்தால் சுவரில் அந்தப் பாம்பு ஏறிக் கொண்டிருந்தது. பயந்துபோன நான் சூவை எடுத்துவந்து போட்டேன் ஒரு போடு. பயத்தில், அது சாகும்வரை அடித்துவிட்டப் பிறகுதான் கவனித்தேன், அதன் வயிற்றின் ஒரு பகுதியில் கால் ஒன்று முளைத்திருந்ததை. இது ஏதோ வித்தியாசமாகத் தோன்றவே செத்தப் பாம்பை பத்திரப்படுத்தினேன்” என்கிறார் இந்த பெண்மணி.

பதினாறு இன்ச் நீளமும் விரலளவு தடிமனும் இருந்த அப்பாம்பை, நான்சாங் நகரில் உள்ள, மேற்கு சீன நார்மல் பல்கலைக்கழகத்தின் உயிரியல் ஆய்வுப் பிரிவில் ஆராய்ச்சிக்கு உட்படுத்தியுள்ளனர்.

பாம்புகள் ஆராய்ச்சி நிபுணர் லாங் சுவாய் பாம்புக்கு கால் முளைத்தது குறித்து கருத்து கூறுகையில்,

“பாம்புக்குக் கால் முளைத்த சங்கதி எங்களுக்கு அதிர்ச்சியளிப்பதாக உள்ளது. தகுந்த ஆராய்ச்சிகளுக்குப் பிறகே காரணம் தெரியவரும்” என்றார்.

பொதுவாக பாம்புகளிடையே அரிதாக இரட்டைத் தலை பாம்புகள் தோன்றுவது வழக்கம். மானிடப் பிறவியில்கூட சயாமிஸ் இரட்டையர்கள் என்ற அர்த்த்தத்தில் இரட்டை தலையுடன் குழந்தைகள் பிறப்பதுண்டு.

இரட்டைத் தலைப் பாம்புகளுக்கு இரையைக் கவ்வுவதில் குழப்பம் ஏற்படுகிறது என்பதால் அவை நீண்டகாலம் உயிர் வாழ்வதில்லை. இப்போதோ காலுடன் பாம்பு முளைத்துள்ளது.

இயற்கைக்கு மாறான எதையும் அந்த இயற்கையே சீக்கிரம் அழைத்துக் கொள்வதுதான் இயற்கை போலிருக்கிறது. !