தேசிய அடையாள அட்டையை பெற்றுக்கொள்ள விசேட கருமபீடம்

க.பொ.த. உயர்தர பரீட்சை:
தேசிய அடையாள அட்டையை பெற்றுக்கொள்ள விசேட கருமபீடம்
அடையாள அட்டையின்றி பரீட்சை மண்டபத்துக்குள் அனுமதி இல்லை

- பரீட்சை ஆணையாளர்
நிரூஸி விமலவீர
இம்முறை க.பொ.த. உயர்தர பரீட்சைக்கு தோற் றும் பரீட்சார்த்தி களுக்கு தேசிய அடையாள அட்டை களை ஒரே நாளில் பெறுவதற்கான விசேட கருமபீடமொன்று ஆட்பதிவு திணைக்களத்தில் திறந்து வைக்கப்பட் டுள்ளதாக ஆட்பதிவு திணைக்கள ஆணை யாளர் ஜகத் பிரேம லால் தெரிவித் துள்ளார்.

பரீட்சார்த்தி களுக்காக அவர் களது தந்தையோ அல்லது சகோதரரோ கூட உரிய ஆவணங்களை அந்த ஒரு நாள் விசேட கருமபீடத்தில் சமர்ப்பித்து பரீட்சார்த்தியின் தேசிய அடையாள அட்டையை பெற்றுக்கொள்ள முடியும்.

உயர்தர பரீட்சார்த்திகளுக்கான விசேட கருமபீடத்தில் தேவையான வசதிகள் செய்யப்பட்டிருப்பதாக பரீட்சார்த்திகள் தமது தேசிய அடையாள அட்டைகளை பெற்றுக்கொள்வதில் எந்த சிரமும் இருக்காது என்று ஆணையாளர் கூறினார்.

இதேவேளை தேசிய அடையாள அட்டையை சமர்ப்பிக்காமல் க.பொ.த. உயர்தர பரீட்சைக்கு தோற்றும் மாணவர்களின் பரீட்சை பெறுபேறுகளை வெளியிடுவ தில்லை என்று பரீட்சை ஆணையாளர் அனுர எதிரிசிங்க தெரிவித்துள்ளார்.

தேசிய அடையாள அட்டையை அனைத்து பரீட்சார்த்திகளும் கட்டாயமாக சமர்ப்பிக்க வேண்டும் என்று அவர் கூறுகிறார்.

தேசிய அடையாள அட்டைக்கு பதி லாக முன்னர் தபால் அடையாள அட்டை, சாரதி அனுமதிப்பத்திரம், உறுதி செய்யப்பட்ட கையொப்பத்துடன் கூடிய புகைப்படம் ஆகியவை உயர்தர பரீட்சையின் போது ஏற்றுக்கொள்ளப்படமாட்டாது என்று அவர் மேலும் கூறினார்.

அத்துடன் கல்விப் பொதுத்தராதர உயர்தர பரீட்சை நடைபெறும் பரீட்சை மண்டபங்களில் குழப்பம் விளைவித்தால், அச்சுறுத்தல் அடிதடியில் ஈடுபடுதல், காயம் விளைவித்தல், மற்றொருவருக்காக பரீட்சை எழுதுதல், பரீட்சார்த்திகளுக்கு உதவி செய்தல் ஆகியவற்றின் கீழ் குற்ற வாளிகளாக காணப்படும் மாணவர்களின் பெறுபேறுகள் இடைநிறுத்தி வைக்கப்படு வதுடன் இரண்டு வருட பரீட்சைத் தடையும் விதிக்கப்படும் என்று பரீட்சைகள் ஆணையாளர் அனுர எதிரிசிங்க தெரிவித்தார்.

பரீட்சை தடைவிதிக்கப்படும் இரு வருட காலத்தில் சம்பந்தப்பட்ட மாணவர் எந்தவொரு பரீட்சைக்கும் தோற்ற முடியாது.

பரீட்சை மண்டப அதிகாரிகள் மற்றும் பரீட்சை செயற் குழுக்களின் அறிக்கைகள் பிரகாரம் மாணவர்கள் மீது நடவடிக்கை எடுக்கப்படும் என்றும் இவ்விடயத்தில் சட்டம் கடுமையாக அமுல்படுத்தப்படும் என்றும் மாணவர்களின் நடத்தை மற்றும் செயற்பாடுகள் தொடர்பாக பெற்றோர் மற்றும் பாடசாலை அதிபர்கள் பொறுப் புடன் செயற்பட வேண்டுமென்றும் அவர் கூறினார்