வாகனங்களுடன் அழகிய இளம் பெண்ணையும் அழைத்துச் சென்ற காதல் மன்னன் பிடிபடுவாரா?

வாகனங்களுடன் அழகிய இளம் பெண்ணையும் அழைத்துச் சென்ற காதல் மன்னன் பிடிபடுவாரா?
பலகோடி ரூபா பெறுமதியான 40 வாகனங்களை சட்டவிரோதமான முறையில் விற்றுவிட்டு, தலைமறைவாகிய ஒரு வர்த்தகரை இப்போது கைது செய்வதற்காக பொலிஸார் நாடெங்கிலும் வலைவிரித்துள்ளார்கள்.

இவர், கொழும்பிலுள்ள ஒரு பிரபல இலட்சக் கணக்கான பெறுமதியுடைய வாகனங்களை வாடகைக்கு வழங்கும் ஒரு நிறுவனத்தின் அதிபராவார். தனிப்பட்டவர்களுக்கு சொந்தமான வாகனங்களை இவரது நிறுவனம் ஒப்பந்தங்களின் மூலம் பொறுப்பேற்று, அதற்கு மாதாந்தம் ஒரு குறிப்பிட்ட தொகையை வாகன சொந்தக்காரர்களுக்கு வழங்குவார். பின்னர் அவர் அதே வாகனத்தை பல்தேச நிறுவனங்கள் மற்றும் பெரிய தனியார் நிறுவனங்கள், வங்கிகள், ஆகியவற்றின் உயரதிகாரிகளுக்கு தான் வாடகைக்கு எடுத்த தொகையை விட இரு மடங்கு கூடுதல் வடகைக்கு கொடுத்துவிடுவார்.

இவ்விதம் அவரது தொழில் நல்ல முறையில் லாபகரமாக நடந்து கொண்டிருந்த போது, அவருக்கு ஏற்பட்ட காதல் தொடர்பினால் அந்த மனிதன் தன்னுடைய பெயரையும், புகழையும் கெடுத்துக் கொண்டு, இன்று ஒரு மோசடிக்காரனாகி இருக்கிறார். இந்த மனிதன் தான் வாடகைக்கு எடுத்த அதிக விலையுயர்ந்த 40 கார்களை அதன் சட்டபூர்வமான உரிமையாளர்களுக்கு தெரியாமல் விற்று, பல கோடி ரூபாவை சுருட்டிக் கொண்டு, இன்று தலைமறைவாகி விட்டார்.

தலைமறைவாகும் போது, இந்த மனிதன் பணத்தை மாத்திரம் எடுத்துக் கொண்டு, கம்பி நீட்டவில்லை.

தமது காரியாலயத்தில் தனக்கு உதவியாளராக பணிபுரிந்து கொண்டிருந்த ஒரு இளம் பெண்ணையும் தம்முடன் அழைத்துச் சென்று, இங்கு எங்கோ ஒரு ஊரில் உல்லாச வாழ்க்கையை நடத்திக் கொண்டிருக்கிறார் என்று பொலிஸார் கூறுகிறார்கள்.

ஒருவேளை இந்த காதல் தம்பதிகள் வெளிநாடும் சென்றிருக்கலாம் என்ற சந்தேகம் பொலிஸாரின் மனதில் தோன்றியுள்ளது. இந்த மனிதன் சட்டவிரோதமாக விற்பனை செய்த ஒரு வாகனத்தை மாத்திரம் இப்போது பொலிஸார் வெள்ளவத்தையில் வைத்து, கைப்பற்றி விசாரணையை மேற்கொண்டு வருவதாகவும் அறிவிக்கப்படுகிறது.

நன்றி பகிர்வுக்கு