ஹஸாரேவின் போராட்டத்தை எதிர்த்து வழக்கு

ஹஸாரேவின் போராட்டத்தை எதிர்த்து வழக்கு
மகாராஷ்டிராவைச் சேர்ந்த வர்த்தகர் ஹேமந்த் பாட்டீல் என்பவர் அன்னா ஹசாரே நடத்தும் உண்ணா விரதப்போராடத்தை தடுத்து நிறுத்தும்படி கோரி உயர் நீதிமன்றத்தில் பொதுமக்கள் நலன் கோரும் மனுவை தாக்கல் செய்துள்ளார். ஹசாரேவின் கோரிக்கை ஏற்கப்பட்டு லோக்பால் மசோதா உருவாக்கப்பட்ட நிலையில் அவர், அரசை அச்சுறுத்தும் வகையில் நடத்தும் காலவரையற்ற உண்ணாவிரதப் போராட்டம் அரசியலமைப்புக்கு எதிரானது. அவரது நடவடிக்கை பாராளுமன்றத்தின் நடைமுறையில் தலையிடுவதாக உள்ளது. லோக்பால் அமைப்புக்கு பிரதமரை விசாரிக்கும் அதிகாரம் அளிக்கப்பட வேண்டும் என ஹசாரே கோருவது சட்ட விரோதமானது. எனவே இவர் நடத்த உள்ள போராட்டத்துக்கு தடை விதிக்க வேண்டும் என மனுவில் கூறப்பட்டுள்ளது.

‘லோக்பால் மசோதா தொடர்பாக கபில் சிபலின் சாந்தினி சவுக் லோக்சபா தொகுதியில் கருத்துக் கணிப்பு நடத்திய அன்னா ஹசாரே, அந்தத் தொகுதியில் போட்டியிடத் தயாரா என காங்கிரஸ் கட்சி கேள்வி எழுப்பியுள்ளது.

இது தொடர்பாக காங்கிரஸ் கட்சியின் தகவல் தொடர்பாளர் மணிஷ் திவாரி கூறியதாவது, லோக்பால் மசோதா தொடர்பாக மத்திய அமைச்சர் கபில் சிபலின் டில்லி சாந்தினி சவுக் லோக்சபா தொகுதியில், கருத்துக் கணிப்பு நடத்தி அதன் முடிவை ஹசாரே வெளியிட்டுள்ளார். முடிந்தால் 2014 ஆம் ஆண்டு நடக்கும் அடுத்த லோக்சபா தேர்தலில் அந்தத் தொகுதியில் அன்னா ஹசாரே போட்டியிடட்டும் பார்க்கலாம். அப்போது உண்மை வெளிவரும். பாராளுமன்றத்தின் திறன் மற்றும் சிறப்பு அதிகாரத்தின் மீது ஹசாரேயும் அவரது நண்பர்களும் நம்பிக்கை வைக்க வேண்டும். அவர்கள் சர்வே வேண்டுமானால், நடத்தலாம் ஆனால், அரசியல் சட்டத்தின் அடிப்படை அமைப்போடு விளையாடக் கூடாது. இவ்வாறு மணீஷ் திவாரி கூறினார்.

இவரின் செய்யல வர வர அரசியல் நாடகமாய் போய்விட்டது .
இவரும்,ஒரு அரசியல் வாதி போல்தான் நடக்கிறார் . :!.: