கிருஷ்ணா நதிநீர் பங்கீடு; நடுவர்மன்றம் தீர்ப்பு; 43 ஆண்டு கால பிரச்னை முடிவுக்கு வந்தது

by *சம்ஸ் Thu 30 Dec 2010 - 13:42

புதுடில்லி: ஆந்திரா, கர்நாடகா மற்றும் மகாராஷட்டிராவுக்கு பெரும் தீராத பிரச்னையாக இருந்து வந்த கிருஷ்ணா நதி தண்ணீர் விவகாரம் தற்போது முடிவுக்கு வந்துள்ளது. இதற்கென கடந்த 2004 ல் அமைக்கப்பட்ட நடுவர் மன்றம் 2007 முதல் முழு மூச்சாக செயல்பட துவகியது.
ஓய்வு பெற்ற நீதிபதி பிரிஜேஸ்மிஸ்ரா தலைமையில் ஸ்ரீவத்சலா மற்றும் டி.கே., சேத் ஆகியோரை கொண்ட இந்த மன்றம் இன்று தீர்ப்பளித்துள்ளது. 200 பக்கம் கொண்ட இந்த தீர்ப்பு வரும் 2050 வரை நடைமுறையில் இருக்கும் .

இந்த தீர்ப்பின்படி ஆந்திரா 1001 டி.எம்.சி., தண்ணீரும், கர்நாடகா 911 டி.எம்.சி., தண்ணீரும், மகாராஷ்ட்டிரா 666 டி.எம்.சி., தண்ணீரும் பகிர்ந்து கொள்ள வேண்டும். நதியின் உபரி நீரை ஆந்திரா 190 டி.எம்.சி.,யும், கர்நாடகா 177 டி.எம்.சி.,யும்,, மகாராஷ்ட்டிரா 81 டி.எம்.சி.,யும், பகிர்ந்து கொள்ள வேண்டும் என்றும் தீர்ப்பளித்துள்ளது.

மேலும் கர்நாடாக அரசு அங்கு இருக்கும் அலமாட்டி அணையின் அளவை உயர்த்திக்கொள்ளவும் சம்மதம் தெரிவித்துள்ளது. ஆந்திரா கூடுதல் அளவு தண்ணீர் பகிர்ந்தெடுக்கும் இந்த உத்தரவுக்கு ஆந்திரா பெரும் வரவேற்பு அளித்துள்ளது. கர்நாடகா மாநில அரசும் இந்த தீர்ப்பை வரவேற்றுள்ளது.சட்டத்திற்கு பணிந்து நடப்போம் என மகராஷட்டிர அரசு கருத்து தெரிவித்துள்ளது.