50 வயதைத் தொட்டார் அமெரிக்க அதிபர் பராக் ஒபாமா

அமெரிக்க அதிபர் பராக் ஒபாமா இன்று தனது 50வது பிறந்தநாளை கொண்டாடுகிறார். இதையொட்டி பல்வேறு கொண்டாட்டங்களுக்கு ஏற்பாடு செய்யப்பட்டுள்ளது.

அமெரிக்கா அதிபர் ஒபாமா, கடந்த 1961ம் ஆண்டு ஆகஸ்ட் 4ம் தேதி பிறந்தார். கருப்பரின தந்தைக்கும், வெள்ளையின தாய்க்கும் மகனாக பிறந்த அவர், மூன்றாவது அமெரிக்க அதிபராக 50 வயதை அடைந்தார். ஆனால், தனது பிறந்தநாளை ஒருநாள் முன்னதாக, சிகாகோ நகரில் நேற்று தனது பிறந்தநாளை கொண்டாடினார். நெருங்கிய நண்பர்கள் சிலர் மட்டும் அதில் கலந்துக் கொண்டனர்.

இது குறித்து ஒபாமா கூறுகையில், கடந்தாண்டை விட இந்தாண்டு என் தலையில் நரைத்த முடிகளின் எண்ணிக்கை அதிகரித்துள்ளது. ஆனால், முன் நாட்களை இப்போது அழகு அதிகரித்துள்ளதாக எனது மனைவி மிச்சேல் கூறியிருப்பது மகிழ்ச்சி அளிக்கிறது. உண்மையில் அதுதான் முக்கியம். எனது நரை என்னை ஒரு உயர்ந்த மனிதனாக மாற்றியிருப்பதாக, மகள்கள் கூறுகின்றனர். 50 வயதிலும் நிறைந்த மகிழ்ச்சியுடன் இருக்கிறேன், என்றார்.

இந்தாண்டு ஒபாமாவுடன், 45 லட்சம் அமெரிக்க குடிமகன்கள் தங்களது 50 வயதை கடப்பதை மக்கள் தொகை கணக்கெடுப்பு தகவல்கள் தெரிவிப்பதாக, த டெய்லி டைய்ம்ஸ் பத்திரிக்கை தெரிவித்துள்ளது.

பார்த்தா அப்படியில்லையே