அமெரிக்க கடன் மதிப்பீடு குறைப்பு

அமெரிக்க கடன் மதிப்பீடு குறைப்பு
சர்வதேச ரீதியில் மீண்டுமொரு பொருளாதார நெருக்கடி ஏற்படும் அபாயம்
நாடுகளின் கடன் மதிப்பீட்டுக் குறியீட்டை நிர்ணயிக்கும் பிரபல ‘ஸ்டான்ட் அன்ட் புவர்’ நிறுவனம் அமெரிக்காவின் உயர்தர மதிப்பீட்டை ஒரு படி குறைத்துள்ளது.

இதன்படி இதுவரை காலமும் 'ஏஏஏ' என்ற உயர்தரத்தில் இருந்த அமெரிக்காவின் கடன் மதிப்பீட்டு குறியீடு 'ஏஏ+' என்ற நிலைக்கு குறைக்கப்பட்டுள்ளது. கடன் நெருக்கடிக்கு தீர்வு காண்பதில் இன்னும் அமெரிக்க அரசியல் கட்சிகளுக்கு இடையில் ஒரு தெளிவு வராதது, உள்நாட்டு உற்பத்தி சதவீதம் எதிர்பார்த்த அளவு உயராதது, அமெரிக்க அரசின் நிதிக் கொள்கை பலவீன மாகிவிட்டது ஆகியவைதான் இந்த முடிவுக்கு முக்கிய காரணம் என 'ஸ்டான்ட் அட் புவர்' நிறுவனம் கூறியுள்ளது.

இதேவேளை, கடனுக்கு அடிமையாகும் நோயை தீர்க்க அமெரிக்கா பொது அறிவை பயன்படுத்தினால் நல்லது. புதிய, உறுதியான, பாதுகாப்பான மற்றொரு உலகளாவிய நாணய அலகை உருவாக்க வேண்டிய நேரம் வந்து விட்டது என சீனா கடுமையாக விமர்ச்சித்துள்ளது.

இந்நிலையில் ஸ்டான்ட் அன்ட் புவர் நிறுவனத்தின் இந்த முடிவு அமெரிக்க கடன் பத்திரங்களின் நம்பகத் தன்மையை குறைக்கும். பத்திரங்கள் மீதான வட்டி அதிகரிக்கும், இதற்காக பணத்தைச் செலுத்த முடியாத நிலை அமெரிக்க அரசுக்கு ஏற்படும். அதனால் உலகளாவிய நிலையில் டொலர் மீதான மதிப்பு சரியும்.

இதன் தொடர் விளைவுகள் கணிக்க முடியாத அளவுக்கு இருக்கும். இதனால் மீண்டும் ஒரு பொருளாதார நெருக்கடி வருவதற்கான வாய்ப்பு உள்ளது என பொருளாதார நிபுணர்கள் அச்சம் தெரிவித்துள்ளனர். அமெரிக்க கடன் மதிப்பீட்டு குறைப்பின் விளைவு உலகின் முக்கிய பங்குச்சந்தைகளில் எதிர்வரும் காலங்களில் பிரதிபலிக்கும் அபாயம் உள்ளது.

பகிர்வுக்கு நன்றி