அமெரிக்க கடன் பிரச்சினை:

அமெரிக்க கடன் பிரச்சினை:
குடியரசு, ஜனநாயக கட்சிகளுக்கு இடையில் இணக்கம்
ஒபாமா அறிவிப்பு
அமெரிக்கா கடன் பிரச்சினையை தீர்ப்பதற்கு ஜனநாயக, குடியரசு கட்சிகளுக்கு இடையில் இணக்கம் எட்டப்பட்டுவிட்டதாக அமெரிக்க ஜனாதிபதி பராக் ஒபாமா குறிப் பிட்டுள்ளார்.

கொங்கிரஸ் அவை உறுப்பினர்களுடன் 11 மணிநேரம் இடம்பெற்ற பேச்சுவார்த்தையை தொடர்ந்து இந்த இணக்கம் எட்டப்பட்டதாக அமெரிக்க ஜனாதிபதி நேற்று அறிவித்தார்.

மேலும், 24 மணி நேரத்திற்குள் அமெரிக்க கடன் பிரச்சினைக்கு தீர்வு எட்டப்பட வேண்டிய நிர்ப்பந்தத்திலேயே ஒபாமா இந்த அறிவிப்பை வெளியிட்டுள்ளமை குறிப்பிடத்தக்கது.

அமெரிக்க அரசு கடன் பெறுவதற்கான 14.3 டிரில்லியன் அமெரிக்க டொலர்களாக உயர்த்த வேண்டுமென்பது அரசு, ஆளும் ஜனநாயகக் கட்சியின் விருப்பம். கடன் அளவை உயர்த்தினால்தான் செலவினங்களை சமாளிக்க முடியும்.

உச்சவரம்பை அதிகரிக்க நாடாளுமன்றத்தின் ஒப்புதல் தேவை. ஆனால் எதிர்க்கட்சி யான குடியரசுக் கட்சி இதற்கு எதிர்ப்புத் தெரிவித்து வருகிறது. அமெரிக்க நாடாளுமன்றத்தில் உள்ள இரு அவைகளில் ஒன்றில் ஜனநாயகக் கட்சிக்கும் மற்றொரு அவையில் குடியரசுக் கட்சிக்கும் பெரும்பான்மை உள்ளது. இதனால் கடன் உச்ச வர ம்பை நிறைவேற் றும் சட்டமூலம் குடியரசுக் கட்சி யினர் பெரும் பான்மை யாக உள்ள அவையில் நிராகரிக்கப்பட்டது.

ஒருவேளை, கடன் நெருக்கடிக்கு எவ்விதத் தீர்வும் எட்டப் படாவிட்டால், எந்த ஒரு பின் விளைவுக்கும் தயாராக இருக்கும்படி வோல்ஸ்ட்ரீட்டில் உள்ள வங்கிகளுக்கு அமெரிக்க அரசு முன் எச்சரிக்கை விடுத்துள்ளது. இதையடுத்து, உலகம் முழுவதிலும் சில நிறுவனங்கள், அரசுகள், தங்கள் முதலீடுகளை நிறுத்தி வைத்துள்ளன. இதற்கிடையில் இந்த கடன் பிரச்சினைக்கு தீர்வு எட்டப்பட்டாலும் அமெரிக்காவின் ‘ஏ.ஏ.ஏ’ என்ற உயர்தர கடன் மதிப்பீட்டுக் குறியீட்டு குறையவே வாய்ப்பு உள்ளது’ என கடன் மதிப்பீட்டு நிறுவனமான, ‘மூடிஸ்’ எச்சரித்துள்ளது. எனினும், இன்றைக்குள் அமெரிக்க கடன் நெருக்கடிக்கான முழுமையான தீர்வு எட்டப்பட்டு விடும் என, உலகம் முழுவதும் எதிர்பார்ப்பு நிலவுகிறது.

இது தான் அழிவுவின் ஆரம்பம் .