பலுன்களுக்கு இடையே நடந்து

100 அடி உயரத்தில் பறக்கும் பலுன்களுக்கு இடையே நடந்து சாதனை படைத்த நபர்
[ திங்கட்கிழமை, 08 ஓகஸ்ட் 2011, 01:57.21 பி.ப GMT ]
சீனாவை சேர்ந்த சாகச வீரர் சைமாய்தி அய்ஷன்(27). உயரமான கட்டிடங்கள் இடையே கயிறு கட்டி அதில் நடப்பது உள்பட பல சாதனைகள் படைத்துள்ளார்.

2 ராட்சத பலூன்கள் இடையே கயிறு கட்டி அதில் நடந்து சாகசம் செய்யப் போவதாக அய்ஷன் சமீபத்தில் அறிவித்தார். இந்த நிகழ்ச்சி சீனாவின் ஹுனான் பகுதியில் நேற்று முன்தினம் நடந்தது.

வெப்பக் காற்றில் இயங்கும் 2 ராட்சத பலூன்கள் இடையே 45 அடி நீள இரும்பு கம்பி கட்டப்பட்டது. கீழே பாதுகாப்பு வலை கட்டப்படாமல் இந்த சாகசம் செய்யப்போவதாக அய்ஷன் தெரிவித்தார்.

கையில் நீளமான கம்புடன் பலூனில் ஏறினார். ஏராளமான மக்கள் திரண்டிருந்தனர். தரையில் இருந்து 100 அடி உயரத்தில் பறக்கும் போது வெற்றிகரமாக ஒரு பலூனில் இருந்து இன்னொன்றுக்கு கம்பி வழியாக நடந்து சென்று அசத்தினார்.

பின்னர் பலூன் இன்னும் உயரே கிளப்பப்பட்டது. 328 அடி உயரத்தில் பறக்கும் போது நடந்து செல்லும் சாகசத்தை தொடங்கினார் அய்ஷன். எதிர்பாராதவிதமாக காற்று வேகமாக வீச தொடங்கியது. பேலன்ஸ் செய்ய முடியாமல் திணறிய அய்ஷன், கை பிடி நழுவியது. கையில் இருந்து கம்பு கீழே விழ.. இரும்பு கம்பியை பிடித்து தொங்கினார். அதிர்ஷ்டவசமாக உயிர் தப்பினார்.

"650 அடி உயரத்தில் பறந்து 4-வது முறையாக கின்னஸ் சாதனை படைக்க வேண்டும் என்று நினைத்திருந்தேன். எதிர்பாராதவிதமாக முயற்சி தோல்வி அடைந்துவிட்டது. இதே சாதனையை விரைவில் படைப்பேன்" என்றார். சீன அளவில் அதிக உயரத்தில் நடந்து சென்ற வீரர் என்ற சாதனையை அய்ஷன் படைத்துள்ளார்.
நன்றி...lankasri world

://:-: ://:-:

அபாரமாக இருக்கிறதே