மூட்டைப்பூச்சி தொல்லையால் அவதி; சென்னையில் இருந்து சென்ற அரசு சொகுசு பஸ் முற்றுகை

மூட்டைப்பூச்சி தொல்லையால் அவதி; சென்னையில் இருந்து சென்ற அரசு சொகுசு பஸ் முற்றுகை
சென்னையில் இருந்து சென்ற அரசு பஸ்சில் மூட்டைப்பூச்சி கடி அதிகமாக இருந்ததால் ஆத்திரமடைந்த பயணிகள் நேற்று முன்தினம் காலை மன்னார் குடியில் பஸ்சை முற்றுகையிட்டு போராட்டம் நடத்தியதால் பரபரப்பு ஏற்பட்டது.

சென்னையில் இருந்து மன்னார்குடிக்கு இரவு அரசு விரைவு சொகுசு பஸ் ஒன்று புறப்பட்டது.

சிறிது நேரத்தில் பயணிகளை மூட் டைப்பூச்சிகள் கடிக்க துவங்கின. இதனால் தூக்கமின்றி தவித்த பயணிகள் இது குறித்து டிரைவர், கண்டக்டரிடம் புகார் செய்தனர்.

அதற்கு அவர்கள், கடந்த சில மாதங்களாக பஸ்கள் பராமரிக்கப்படுவதில்லை என்று கூறினர். இதை முன்பே கூறியிருந்தால் நாங்கள் பஸ்சில் ஏறியிருக்க மாட்டோமே என பயணிகள் கூறியதற்கு பஸ்சில் டிக்கெட் கொடுப்பதும், பஸ்சை ஓட்டுவது மட்டுமே எங்கள் வேலை என டிரைவர், கண்டக்டர் அலட்சியமாக பதில் கூறினர். இதையடுத்து மூட்டைப்பூச்சி கடியை சமாளித்தபடி பயணிகள் நேற்று காலை மன்னார்குடிக்கு வந்தனர்.

பஸ்நிலையத்திற்கு வந்ததும் பயணிகள் திடீரென இறங்கி பஸ்சை முற்றுகையிட்டு ஆர்ப்பாட்டம் செய்தனர்.

இதையடுத்து டிரைவரும், கண்டக்டரும் அங்கிருந்து நழுவிச் சென்றுவிட்டனர். இது குறித்து பயணிகள் புவனேஸ்வரி, ஆனந்தன், அசோக்குமார் கூறியபோது, மற்ற பஸ்களுக்கு 120 கட்டணம் வசூலிக்கிறார்கள்.

ஆனால் சொகுசு பஸ்களுக்கு ரூ. 200 கட்டணம். அதிக கட்டணம் வசூலித்தும் பஸ்சை அரசு பராமரிப்பதில்லை. இது குறித்து நுகர்வோர் நீதிமன்றத் தில் வழக்கு தொடர உள்ளோம் என்றனர். இதன் காரணமாக மன்னார்குடி பஸ்நிலையத்தில் பரபரப்பு ஏற்பட்டது.

தகவல்களுக்கு நன்றி