அரசு மருத்துவமனையில் மோதல் போலீசாரை சஸ்பெண்ட் செய்யக்கோரி டாக்டர்கள் முற்றுகை போராட்டம்

மதுரை: மதுரை அரசு மருத்துவமனையில் டாக்டர்களுக்கும், போலீசாருக்கும் இடையே ஏற்பட்ட வாக்குவாதம் தொடர்பாக போலீசாரை சஸ்பெண்ட் செய்யக்கோரிய டாக்டர்கள் முற்றுகை போராட்டம் நடத்தியதால் பரபரப்பு ஏற்பட்டது. இதையடுத்து போலீசார் இடமாற்றம் செய்யப்பட்டனர்.
சிவகங்கை மாவட்டம் திருப்புவனம் அருகே ஆதிக்கரையைச் சேர்ந்த விவசாயி தவமணி. இவரது உறவுப் பெண்ணுக்கு பிரசவ வலி ஏற்பட்டதால் நேற்று அதிகாலை மதுரை அரசு மருத்துவமனைக்கு அழைத்து வந்தார். அங்கிருந்த நர்சி டம் சீட்டு வழங்குமிடம் குறித்து கேட்டபோது, தவமணியை நர்ஸ் மரியாதைக் குறைவாக பேசியதால் இருவருக்கும் தகராறு ஏற்பட்டது. அப்போது அங்கு வந்த 10 டாக்டர்கள் தவமணியை கண்டித்தனர். தகராறு செய்த தவமணியை கைது செய்யாததற்கு எதிர்ப்பு தெரிவித்து டாக்டர்கள் போலீசாருடன் வாக்குவாதத்தில் ஈடுபட்டனர். பிறகு மருத்துவமனை காவல்நிலையம் சென்று அங்கிருந்த எஸ்.ஐ., சங்கரலிங்கம், ஏட்டுகள் ரவி, ரமேஷிடம் டாக்டர்கள் முறையிட்டனர். அப்போது இருதரப்புக்கும் கடும் வாக்குவாதம் ஏற்பட்டது.
இந்நிலையில் நேற்று காலை வாக்குவாதத்தில் ஈடுபட்ட போலீசாரை சஸ்பெண்ட் செய்யக்கோரி மருத்துவமனையில் பயிற்சி, பட்டமேற்படிப்பு டாக்டர்கள் கண்காணிப்பாளர் அலுவலகத்தையும், நிலைய மருத்துவ அதிகாரி அலுவலகத்தையும் முற்றுகையிட்டனர்.
தகவலறிந்த அண்ணாநகர் உதவி கமிஷனர் வெள்ளத்துரை, மருத்துவ அதிகாரிகள் திருவாய்மொழிப் பெருமாள், பிரகதீஸ்வரன், டாக்டர்கள் சங்க மாநில செயலாளர் செந்தில் ஆகியோர் விரைந்து வந்து இரு தரப்பினரிடமும் பேச்சுவார் த்தை நடத்தினர். அப்போது டாக்டர்களுடன் வாக்குவாதத்தில் ஈடுபட்ட போலீசாரை இடமாற்றம் செய்ய நடவடிக்கை எடுப்பதாக உதவி கமிஷனர் வெள்ளத்துரை தெரிவித்தார். அவர்களை சஸ்பெண்ட் செய்ய வேண்டும் என பயிற்சி டாக்டர்கள் வலியுறுத்தினர். இதனால் பேச்சுவார்த்தையில் எந்தவித உடன்பாடும் ஏற்படவில்லை. இதையடுத்து 50 பெண் பயிற்சி டாக்டர்கள், பட்டமேற்படிப்பு டாக்டர்கள் உள்பட 200 பேர் மருத்துவமனை வளாகத்திற்குள் அமர்ந்து போராட்டத்தில் ஈடுபட் டனர். போலீஸ் உதவி கமிஷனர் வெள்ளத்துரை கூறுகையில், ‘எஸ்.ஐ உள்ளிட்ட 3 பேரையும் காவல் கட்டுப்பட்டு அறைக்கு இடமாற்றம் செய்து போலீஸ் கமிஷனர் உத்தரவிட்டுள்ளார்Õ என்றார்.
போராட்டத்தில் ஈடுபட்டுள்ள பயிற்சி டாக்டர்களுடன் பேச்சுவார்த்தை நடத்திய கலெக்டர், Ôவிசாரணையில் போலீசார் மீது தவறு இருந்தால் நடவடிக்கை எடுக்கப்படும்Õ என உறுதியளித்தார். இதன்பேரில் டாக்டர்கள் 5 மணிநேரத்துக்கு பிறகு போராட்டத்தை வாபஸ் பெற்று பணிக்கு திரும்பினர்.

அரசு மருத்துவமனையில் ,அதிகாரம் இப்படித்தான் இருக்கு .இதற்க்கு தக்க நடவடிக்கை அவசியம் .