சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை

by **ராகவா** Mon 23 Jun 2014 - 23:40

சென்னை:சென்னை சிறுமிக்கு, மயக்க மருந்து துணையின்றி, இதயத்தின் சுருங்கிய ரத்த நாளத்தை, பலுான் மூலம் விரிவடைய செய்யும் அரிய மருத்துவ அறுவை சிகிச்சையை, அரசு ராஜீவ்காந்தி மருத்துவமனை மருத்துவர்கள் செய்து முடித்துள்ளனர்.

அறுவை சிகிச்சை மூலம் மட்டுமே, முன் காலத்தில் இதய நோய்க்கு சிகிச்சை அளிக்கப்பட்டது. இதில், நோயாளி, குறைந்த பட்சம், 15 நாட்கள் உள் நோயாளியாக இருக்க வேண்டும்.

195 பேருக்கு சிகிச்சை:அதன் பின், அவர் பழைய நிலைக்கு திரும்ப, இரண்டு, மூன்று மாதங்கள் ஆகும். ஆனால், தற்போது இதய மருத்துவ துறையில் பல்வேறு நவீன மருத்துவ முறைகள் வந்துள்ளன.அதில் ஒன்று தான், பலுான் மூலம் இதயத்தின் சுருங்கிய ரத்த நாளத்தை விரிவடைய செய்யும் சிகிச்சை முறை. இந்த சிகிச்சை முறையில், நோயாளி அடுத்த நாளே வீட்டிற்கு செல்லலாம்; வேலைக்கும் செல்லலாம்.

இந்த முறையில், கடந்த, 2012ம் ஆண்டில் இருந்து, சென்னை அரசு ராஜாஜி மருத்துவமனையில் மட்டும், 195 பேருக்கு சிகிச்சை அளிக்கப் பட்டுள்ளது.இதில், சென்னை, அமைந்தகரையைச் சேர்ந்த திவ்யா, 14, என்ற சிறுமிக்கு, சுருங்கிய வால்வு விரிவுபடுத்தப்பட்டது. வலது தொடை ரத்த நாளம் வழியாக, இதய நடுத்தசையில் துளை போட்டு, நவீன சிறிய பலுான் கருவியால், இதய ரத்த நாளத்தை விரிவடைய செய்துள்ளனர்.

இதயத்திற்கு பரவும்: இதுகுறித்து, இதய பிரிவு தலைவர், ரவி கூறியதாவது:ஒன்பது முதல், 14 வயதில் சிறுவர், சிறுமியருக்கு தொண்டையில் கிருமி தொற்றால், வலி ஏற்பட்டு முழங்கால் மற்றும் இதயத்திற்கு பரவும். இதய ரத்த நாளத்தை சுருக்கி, உயிருக்கு ஆபத்தை உண்டாக்கும்.

இந்த சிறுமிக்கு, 10 வயதில் (2010ல்), இதய அறுவை சிகிச்சை செய்யப்பட்டது. ஆனால், மீண்டும் ரத்தநாளம் சுருங்கியதால், பரிசோதனைக்குப் பின், பலுான் மூலம் விரிவுபடுத்த முடிவு செய்தோம். சிறுமியின் வயது, உடல் நலத்தை கருத்தில் கொண்டு, வெளிநாட்டில் இருந்து பிரத்யேகமாக, பலுான் வரவழைக்கப்பட்டு, ஒரு மணி நேரத்தில், சிகிச்சை முடிக்கப்பட்டுள்ளது.

மருத்துவமனையில் சேர்க்கப் படும் இதய நோயாளிகளில், 100ல், 10 பேருக்கு இந்த பிரச்னை உள்ளது. சிகிச்சைஅளிப்பதற்கு மயக்க மருந்து தேவையில்லை. தனியார் மருத்துவமனையில், 1.50 லட்சம் ரூபாய் செலவாகும். தற்போது, முதல்வர் மருத்துவ காப்பீட்டுத் திட்டத்தில், இந்த சிறுமிக்கு முதல் முறையாக சிகிச்சை அளிக்கப்பட்டுள்ளது.இவ்வாறு, அவர் கூறினார்.

-தினமலர்

by **jaleelge** Tue 24 Jun 2014 - 0:32

வைத்தியத் துறையின் வளர்ச்சியும்...

தொழில்நுட்ப முன்னேற்றமும்.....

இந்தையாவை உலக தராதர,....

நிலைக்கு இட்டுச் சென்றுள்ளது...

by **ahmad78** Tue 24 Jun 2014 - 9:29

நல்ல முன்னேற்றம்தான்

by **நண்பன்** Tue 24 Jun 2014 - 13:37

மிக்க மகிழ்ச்சியான செய்தி 1.50 லட்சம் இல்லாத ஏழை மக்களுக்கு இது பெரிய உதவி ~/

by Sponsored content

சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை

சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை

Re: சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை

Re: சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை

Re: சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை

Re: சிறுமிக்கு ரத்த நாளத்தை விரிவாக்கும் பலூன் சிகிச்சை:மயக்க மருந்தின்றி நடத்தி அரசு டாக்டர்கள் சாதனை