யாத்திரிகர்கள் விவகாரம் பொய் என்கிறது சென்னை தூதரகம்

by **நண்பன்** Tue 9 Aug 2011 - 4:56

யாத்திரிகர்கள் விவகாரம் பொய் என்கிறது சென்னை தூதரகம்
கே. அசோக்குமார்
இலங்கையிலிருந்து செல்லும் யாத்திரிகர்களை தங்குவதற்கு அனுமதிக்க வேண்டாம் என சென்னையிலுள்ள விடுதிகள், ஹோட்டல்களுக்கு பொலிஸார் அறிவுறுத்தல் வழங்கியுள்ளதாக கூறப்படும் செய்தி உண்மையல்ல என சென்னையிலுள்ள இலங்கையின் துணை தூதர் வீ. கிருஸ்ண மூர்த்தி தினகரனுக்குத் தெரிவித்தார்.

குறிப்பாக சென்னை எழுப்பூரிலுள்ள மகா போதி உட்பட அப்பகுதியிலுள்ள ஹோட்டல்களுக்கு சென்னை பொலிஸார் இவ்வாறு அறிவுறுத்தியுள்ளதாக செய்திகள் வெளியாகின.

எனினும் சென்னையிலுள்ள மகாபோதி இதனை மறுக்கிறது. அத்துடன் சட்டம் ஒழுங்குக்கு பொறுப்பாகவுள்ள எழும்பூர் பொலிஸ் நிலைய பொறுப்பதிகாரி திரு. செல்வன் கூறுகையில் இவ்வாறான ஒரு அறிவித்தலை பொலிஸார் விடுக்க வில்லை என்றார்.

சென்னையிலுள்ள துணைத் தூதர் வீ. கிருஷ்ணமூர்த்தி இவ்விடயம் தொடர்பாக எழும்பூரிலுள்ள பொலிஸ் இன்ஸ்பெக்டர் திரு. செல்வனுடனும் நேற்று பேச்சு நடத்தினார். அத்துடன் தமிழக பொலிஸ் மா அதிபர் இராமானுஜத்தையும் சந்தித்து யாத்திரிகர்கள் விடயம் தொடர்பாக பேச்சுவார்த்தைகளை நடத்தினார்.

தமிழகத்தில் இலங்கை யாத்திரிகர்கள் தாக்கப்பட்ட விடயம் மற்றும் தற்போது இலங்கை யாத்திரிகர்களை தங்க வைக்கும் பிரச்சினை தொடர்பாகவும் தமிழக அரசின் பிரதம செயலாளரின் கவனத்திற்கும் இலங்கையின் துணைத்தூதர் வீ. கிருஷ்ண மூர்த்தி தெரிவித்தார்.

இலங்கை யாத்திரிகர்களை தங்கவைக்க வேண்டாம் என பொலிஸாரின் அறிவித்த லையடுத்து எழும்பூரிலுள்ள மகாபோதிக்கும் இலங்கையர் செல்ல முடியாத நிலை இருப்பதாக செய்திகள் வெளியாகின.

இது தொடர்பாக சென்னை எழும்பூரி லுள்ள மகா போதியுடன் தொடர்பு கொண்டு ‘தினகரன்’ கேட்டபோது,

இது முற்றிலும் பொய்யான தகவல், இன்றும் மகாபோதியில் சுமார் 350க்கும் மேற்பட்ட இலங்கையர் தங்கியுள்ளனர். எழும்பூர் பகுதியில் அவர்கள் சுதந்திரமாக சென்று வருகின்றனர். எந்தவிதமான பிரச்சினைகளும் இல்லை என தெரிவித்தனர்.

மகா போதியின் பாதுகாப்புப் பலப் படுத்தப்பட்டுள்ளதாக செய்திகள் தெரிவிக் கின்றனவே? என கேட்டபோது.

கடந்த ஒரு வருட காலமாக வழமையான பாதுகாப்பு வழங்கப்பட்டு வருகிறது. அதே பாதுகாப்புதான் இன்னமும் வழங்கப்படு கிறது. விசேடமான பாதுகாப்பு என எதுவும் கிடையாது என்றார்.