அஜந்த மெண்டிஸின் உலக சாதனையுடன் அவுஸ்திரேலியாவை வீழ்த்தியது இலங்கை

அஜந்த மெண்டிஸின் உலக சாதனையுடன் அவுஸ்திரேலியாவை வீழ்த்தியது இலங்கை
அவுஸ்திரேலிய அணியுடனான இரண்டாவது ருவென்ரி 20 கிரிக்கெட் போட்டியில் இலங்கை அணி 8 ஓட்டங்களால் வெற்றி பெற்று தொடரையும் கைப்பற்றியது.

பல்லேகல அரங்கில் நடைபெற்ற இப்போட்டியில் முதலில் துடுப்பெடுத்தாடிய இலங்கை அணி 20 ஓவர்களில் 9 விக்கெட் இழப்பிற்கு 157 ஓட்டங்களைப் பெற்றது.

மஹேல ஜயவர்தன 63 பந்துகளில் 86 ஓட்டங்களைக் குவித்தார்.

குமார் சங்கக்கார 16 பந்துகளில் 24 ஓட்டங்களைப் பெற்றார்.

அவுஸ்திரேலிய பந்து வீச்சாளர்களில் ஜோன் ஹாஸ்டிங்ஸ் 14 ஓட்டங்களுக்கு 3 விக்கெட்டுகளை வீழ்த்தினார்.

பதிலுக்குத் துடுப்பெடுத்தாடிய அவுஸ்திரேலிய அணி அஜந்த மெண்டிஸின் பந்து வீச்சை எதிர்கொள்ளத் திணறியது. அவ்வணி 20 ஓவர்களில் 9 விக்கெட் இழப்பிற்கு 149 ஓட்டங்களை மாத்திரமே பெற்றது.

அஜந்த மெண்டிஸ் 16 ஓட்டங்களுக்கு 6 விக்கெட்டுகளை வீழ்த்தினார்.

வென்ரி 20 போட்டிகளில் இது புதிய சாதனையாகும். 2009 ஆம் ஆண்டு நியூஸிலாந்துக்கு எதிரான போட்டியில் பாகிஸ்தான் வீரர் உமர் குல் 6 ஓட்டங்களுக்கு 5 விக்கெட்டுகளை வீழ்த்தியமையே 20 ஓவர் போட்டிகளில் இருவரை சாதனையாக இருந்தது. 2 போட்டிகள் கொண்ட இத்தொடரில் இலங்கை அணி 2-0 விகிதத்தில் வெற்றிபெற்று சம்பியனாகியுள்ளமை குறிப்பிடத்தக்கது.

இப்போட்டிக்கான அவுஸ்திரேலிய அணியில் மாற்றம் எதுவும் செய்யப்படவில்லை. ஆனால் இலங்கை அணியில் இரண்டு மாற்றம் செய்யப்பட்டது. சுரங்கா லக்மல், தம்பிகா பிரசாத் நீக்கப்பட்டனர். இவர்களுக்கு பதிலாக திசாரா பெரேரா, அஜந்த மெண்டிஸ் சேர்க்கப்பட்டனர்.

இலங்கை அணியின் சுழற்பந்து வீச்சாளர் அஜந்த மெண்டிஸ் 4 ஓவர்கள் பந்து வீசி 16 ஓட்டங்கள் விட்டுக் கொடுத்து 6 விக்கெட்டுகளை வீழ்த்தி ஆட்டநாயகன் விருது பெற்றார்.

இந்த வெற்றியின் மூலம் இலங்கை அணி 2-0 என்ற கணக்கில் 20 ஓவர் போட்டி தொடரை கைப்பற்றியது. இரு அணிகள் இடையிலான 5 ஆட்டங்கள் கொண்ட ஒருநாள் போட்டி தொடரில் முதலாவது ஒருநாள் கிரிக்கெட் போட்டி பள்ளேகலவில் இன்று (10ம் திகதி) நடக்கிறது. உலக சாதனை படைத்த அஜந்த மெண்டிஸ்

அவுஸ்திரேலியாவுக்கு எதிராக நேற்று முன்தினம் நடந்த 2வது 20 ஓவர் கிரிக்கெட் போட்டியில் இலங்கை அணியின் சுழற்பந்து வீச்சாளர் அஜந்த மெண்டிஸ் 6 விக்கெட்டுகள் வீழ்த்தி சர்வதேச 20 ஓவர் போட்டியில் உலக சாதனை படைத்தார். இதற்கு முன்பு உமர்குல் (பாகிஸ்தான்), டிம் சவூதி (நியூசிலாந்து), மெக்லரன் (தென் ஆபிரிக்கா), ஒடியம்போ (கென்யா), டேரன் சமி (மே. இந்தி) ஆகியோர் ஒரு 20 ஓவர் போட்டியில் அதிகபட்சமாக 5 விக்கெட்டுகள் வீழ்த்தியதே சாதனையாக இருந்தது.

அந்த சாதனையை நேற்று முன்தினம் மெண்டிஸ் தகர்த்து புதிய சாதனை படைத்தார்.

இந்த ஆட்டம் நானும் பார்த்து வியந்திருந்தேன் அபாரமான விளையாட்டு இலங்கைக்கு பெருமை சேர்த்த மென்டிஸூக்கு பாராட்டுகள்

:”@: :”@: