ஆண் என்பவன் நிமிர்ந்து பேச வேண்டியவன்'

'ஆண்களின் இலட்சணமே நிமிர்ந்து பேச வேண்டும் என்பதால், ஒலிவாங்கியை மாற்றி அமைக்க
வேண்டும்' என்று, சபாநாயகர் ஜெயக்குமாரிடம், அனைத்து உறுப்பினர்களின் சார்பில்,
முதல்வர் ஜெயலலிதா கேட்டுக் கொண்டார்.
சட்ட சபையில் கேள்வி நேரத்தின் போது, "பட்டுக்கோட்டை தொகுதி, கீரக்குறிச்சி
ஊராட்சியில், துணை மின் நிலையம் அமைக்கப்படுமா?' என்ற கேள்வியை, காங்கிரஸ் எம்.
எல். ஏ, ரங்கராஜன் எழுப்பியதும், அமைச்சர் விஸ்வநாதன் பதிலளிக்கும் போது, 'ஒரு துணை
மின் நிலையம் அமைக்கும் கருத்து பரிசீலினையில் உள்ளது' என்றார்.
உறுப்பினர் ரங்கராஜன் உயரமாக இருப்பதால், ஒலி வாங்கியின் கீழே தலை குனிந்து, கேள்வி
கேட்கும் போது சிரமப்பட்டார். அமைச்சர் விஸ்வநாதனும் உயரமாக இருப்பதால், அவர்
பதிலளிக்கும் போது குனிந்து பேசினார்.
இதைக் கவனித்த முதல்வர் ஜெயலலிதா, அனைத்து உறுப்பினர்களின் சார்பில், இந்த கோரிக்கை
வைக்கிறேன். இங்குள்ள ஒலிவாங்கி ஒரே உயரத்தில் இருப்பதால் உயரமானவர்கள் பேசுவதற்கு
சிரமமாக உள்ளது. நடுத்தரமான உயரம் கொண்டவர்களுக்குத் தான் வசதியாக இருக்கிறது.
விஸ்வநாதன், ரங்கராஜன் போன்றோர் மிகவும் உயரமானவர்கள். ஆண்களின் இலட்சணமே
நிமிர்ந்து நின்று பேச வேண்டும். எனவே உறுப்பினர்களின் உயரத்திற்கேற்ப ஒலி வாங்கியை
மாற்றி அமைக்க வேண்டும்' இவ்வாறு முதல்வர் ஜெயலலிதா கூறினார். உடனே சபாநாயகர்
ஜெயக்குமார், முதல்வரின் கருத்தை ஏற்று, நடவடிக்கை எடுக்கப்படும்' என்றார்.

நன்றி பகிர்வுக்கு