நிர்வாக ரீதியில் தீர்வு

by **நண்பன்** Sat 13 Aug 2011 - 3:49

நிர்வாக ரீதியில் தீர்வு
வவுனியா அரச அதிபர்
மகேஸ்வரன் பிரசாத்
வவுனியாவில் இனங்களுக்குள் பிரச்சினை ஏற்படாத வகையில் அங்கு தோற்றுவிக்கப்பட்டிருக்கும் பிரச்சினைக்கு நிர்வாக ரீதியில் தீர்வுகாணப்படும் என வவுனியா மாவட்ட அரசாங்க அதிபர் திருமதி பி.எம்.எஸ்.சார்ள்ஸ் தெரிவித்தார்.

வவுனியாவில் உருவாக்கப்பட்டிருக்கும் பிரச்சினையை சிலர் இனங்களுக்கிடையிலான பிரச்சினையாக மாற்றி குழப்பத்தை ஏற்படுத்த முயற்சிக்கின்றனர். எனினும், இதற்கு இடமளிக்காது, நிர்வாக ரீதியில் இப்பிரச்சினையைத் தீர்ப்பதற்கு நடவடிக்கை எடுப்போம் என்றும் சார்ள்ஸ் தினகரனுக்குத் தெரிவித்தார்.

சர்ச்சைக்குள்ளாகியிருக்கும் காணி அரசாங்கத்துக்குச் சொந்தமானது. எனவே இது தொடர்பில் நிர்வாக ரீதியில் தீர்வு காண்பதற்கு நாம் நடவடிக்கை எடுப்போம்.

வவுனியா நகரில் இதுவரை எந்தவிதமான இனரீதியான பிளவுகளும் ஏற்படவில்லை. சில தரப்பினர் தற்பொழுது இங்கு பிரச்சினைகளைத் தோற்றுவித்து, குழப்பத்தை ஏற்படுத்த முயற்சிக்கின்றனர். இதற்கு நாம் இடமளிக்கப்போவதில்லை என்றும் வவுனியா அரசாங்க அதிபர் மேலும் தெரிவித்தார்.