முச்சக்கரவண்டி திருடிய மூவர் வகையாக சிக்கினர்

முச்சக்கரவண்டி திருடிய மூவர் வகையாக சிக்கினர்
முச்சக்கர வண்டி சாரதிகளும், அவற்றின் உரிமையாளர்களும் மிகவும் கவனமாக தங்கள் வாகனங்களை பாதுகாக் காவிட்டால், அவை பகல் பொழுதிலும் மாயமாகிவிடும். கொழும்பு காலிமுகத்தி டலில் ஒரு ஞாயிற்றுக் கிழமை நிறுத்தி வைக்கப்பட்டிருந்த மூன்று முச்சக்கர வண்டிகள் இவ்விதம் மாயமாகியுள்ளன.

அவற்றின் உரிமையாளர்கள் தங்கள் குடும்பத்தினருடன் காலிமுகத் திடலுக்கு வந்து, மகிழ்ச்சியோடு மாலைப் பொழுதை போக்கிக் கொண்டிருந்த சந்தர்ப்பத்தில் அன்றைய தினம் மூன்று முச்சக்கர வண்டிகளை ஒரே நேரத்தில் சில கொள்ளையர்கள் எடுத்துச் சென்றுவிட்டார்கள்.

இந்த கொள்ளையர்கள் அவற்றை அதிக காலதாமதமின்றி சந்தேகப்படாத வகையில் மற்றவர்களுக்கு விற்றும் பணம் சம்பாதித்துள்ளார்கள். முச்சக்கர வண்டிகள் திருடப்படுவது பற்றி கொழும்பு கோட்டை பொலிசாருக்கு 45ற்கும் மேற்பட்ட முறைப்பாடுகள் கடந்த ஆறு மாத காலத்தில் கிடைத்ததை அடுத்து, பொலிசார் இந்த கொள்ளையர்களை கண்டுபிடிப்பதற்கு வலைவிரித்து தேடல்களை ஆரம்பித்தார்கள்.

அதையடுத்து, மூன்று சந்தேக நபர்கள் பொலிசாரினால் கைது செய்யப்பட்டனர். இவர்கள் களனி, சேதபத்த போன்ற பிரதேசங்களின் வாசிகளாகும். நீதிமன்றத்தின் உத்தரவின் பெயரில் இவர்களை விசாரணை செய்து, திருடப்பட்ட மூன்று முச்சக்கர வண்டிகளை மீட்டெடுத்த பொலிசார் மற்ற முச்சக்கர வண்டிகளையும் கண்டுபிடிப்ப தற்காக இம்மூவரையும் தடுப்புக் காவலில் வைத்து விசாரணைகளை தொடர்ந்து நடத்தி வருகிறார்கள்.

என்னா கொடும சார் இது,,,!!!!
இதுக்கு வேற பூட்டா போட முடியும்...