இந்தியாவுக்கு எதிரான 3வது டெஸ்ட்: வலுவான நிலையில் இங்கிலாந்து

by **நண்பன்** Sat 13 Aug 2011 - 10:24

இந்தியாவுக்கு எதிரான 3வது டெஸ்ட்: வலுவான நிலையில் இங்கிலாந்து

இந்தியாவுக்கு எதிரான 3வது டெஸ்ட்டில் இங்கிலாந்து அணி வலுவான ஸ்கோரை எட்டியுள்ளது.
அந்த அணியின் தொடக்க ஆட்டகாரர் குக் சதம் அடித்தார்.
டோனி தலைமையிலான இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு 4
டெஸ்ட் கொண்ட தொடரில் பங்கேற்றுள்ளது. இதில் லோர்ட்ஸ் மற்றும் டிரென்ட்பிரிட்ஜில்
நடந்த முதல் இரு டெஸ்ட்டிலும் இந்திய அணி படுதோல்வி அடைந்தது.
இங்கிலாந்தின் வேகப்பந்து வீச்சில் மிரண்ட இந்தியா முதல் இன்னிங்சில் 224
ஓட்டங்களுக்கு ஆட்டமிழந்தது. பின்னர் தனது முதல் இன்னிங்சை ஆடிய இங்கிலாந்து அணி
முதல் நாள் ஆட்ட நேர முடிவில் விக்கெட் இழப்பின்றி 84 ஓட்டங்கள் எடுத்திருந்தது.
இந்த நிலையில் 2வது நாள் ஆட்டம் நேற்று முன்தினம் நடந்தது. காலையில் மழை தூரல்
விழுந்து கொண்டிருந்ததால் அரைமணி நேரம் தாமதமாக தொடங்கியது. தலைவர் ஸ்ராசும் (52),
அலஸ்டயர் குக்கும் (27) முந்தைய நாள் ஸ்கோருடன் இந்திய பந்து வீச்சை எதிர்கொண்டனர்.
விக்கெட்டை எளிதில் இழந்து விடக்கூடாது என்பதில் ரொம்ப உஷாராக செயல்பட்டனர். இதனால்
அவர்களின் ஸ்கோர் மெதுவாக நகர்ந்தது. இந்திய வேகப்பந்து வீச்சாளர் பிரவீன்குமார்
தான் வீசிய முதல் 7 ஓவர்களில் 2 ஓட்டங்கள் மட்டுமே விட்டுக் கொடுத்திருந்தார். ஆனால்
அவர்களின் ரன் விகிதத்தை இந்திய பந்துவீச்சாளர்களால் ஓரளவு கட்டுப்படுத்த முடிந்ததே
தவிர, நங்கூரும் பாய்ச்சிய இந்த கூட்டணியில் தடுப்பு அரணை சுலபமாக உடைக்க
முடியவில்லை. உணவு இடைவேளை வரை ஒரு விக்கெட்டும் இந்திய பந்துவீச்சாளர்களால்
கைப்பற்ற இயலவில்லை.
ஸ்டிராஸ்- குக் ஜோடி இந்த சீசனில் முதல் முறையாக 100 ஓட்டங்களை கடந்தது மட்டுமன்றி,
இங்கிலாந்துக்கு வலுவான தொடக்கத்தை அமைத்து தந்தது. அணியின் ஸ்கோர் 186 ஓட்டங்களாக
உயர்ந்த போது, ஒரு வழியாக இந்த இணையை இந்தியா பிரித்தது. தலைவர் ஸ்ட்ராஸ் 87
ஓட்டங்கள் (176) பந்து, 13 பவுண்டரி) எடுத்த நிலையில், அமித் மிஸ்ராவின் பந்து
வீச்சில் ஸ்வீப் செய்ய முயற்சித்த போது ஆட்டம் இழந்தார். இதன் பின்னர் குக்குடன்,
இயான் பெல் கைகோர்த்தார். இயான் பெல், ஓட்டம் எடுப்பதில் துரிதம் காட்டினார்.
தொடர்ந்து துடுப்பாட்ட வீரர்கள் ஆதிக்கம் செலுத்தியதால், இங்கிலாந்து அணி எளிதில்
முதல் இன்னிங்சில் முன்னிலை பெற்றது.
மறுமுனையில் அபாரமாக ஆடிய குக் தனது 19வது டெஸ்ட் சதத்தை பூர்த்தி செய்தார்.
முந்தைய இரு டெஸ்ட்டில் வெறும் 20 ஓட்டங்கள் மட்டுமே எடுத்த குக், இந்த சதத்தின்
மூலம் நெருக்கடியில் இருந்து மீண்டும் நிம்மதி பெருமூச்சு விட்டார்.
ஆனால் இதற்கு அடுத்த பந்தில் இயான் பெல் 34 (43 பந்து, 6 பவுண்டரி) பிரவீன் குமாரின்
பந்து வீச்சில் கிZன் போல்டானார். முன்னதாக பெல் 30 ஓட்டங்களில் இருந்த போது
கொடுத்த எளிதான பிடி வாய்ப்பை முதலாவது ஸ்லிப்பில் நின்ற டிராவிட் கோட்டை விட்டது
குறிப்பிடத்தக்கது.
இயான் பெல்லை தொடர்ந்து ஆட வந்த கெவின் பீட்டர்சனும் அதிரடியான ஆட்டத்தை
வெளிப்படுத்தினார். இதனால் இங்கிலாந்தின் ஸ்கோர் வேகமாக உயரத் தொடங்கியது.
வெளுத்துக்கட்டிய கெவின் பீட்டர்சன் 63 ஓட்டங்களில் (78 பந்து, 9 பவுண்டரி, ஒரு
சிக்சர்), விரவீன் குமாரின் பந்தில் எல்.பி.டபிள்யூ. ஆனார். இதை தொடர்ந்து 4வது
விக்கெட்டுக்கு இறங்கிய இயான் மோர்கனும் நிலைத்து நின்று அணிக்கு வலு சேர்த்தார்.
மறுபக்கம் குக்கின் ஆட்டம் பிரமிப்பாக இருந்தது.
2வது நாள் ஆட்ட நேர முடிவில் இங்கிலாந்து அணி முதல் இன்னிங்சில் 3 விக்கெட்
இழப்புக்கு 456 ஓட்டங்கள் குவித்து இருந்தது. அலஸ்டயர் குக் 182 ஓட்டங்களுடனும்
(330 பந்து, 26 பவுண்டரி), மோர்கன் 44 ஓட்டங்களுடனும் களத்தில் இருந்தனர். இது
இந்தியாவை விட 232 ஓட்டங்கள் அதிகமாகும்.