எஸ்.எம்.எஸ் மூலம் மும்மொழிகளிலும் அனுப்பப்பட்ட மஹிந்தவின் புத்தாண்டு வாழ்த்து

மஹிந்த ராஜபக்ஷ நேற்றைய புத்தாண்டு தினத்தில் இலங்கைப் பிரசைகளுக்கு குறுந்தகவல் எனப்படும் எஸ்.எம்.எஸ் மூலம் புத்தாண்டு வாழ்த்துக்களைப் பரிமாறியிருந்தார்.
சிங்களம், தமிழ், ஆங்கிலம் ஆகிய மூன்று மொழிகளையும் உள்ளடக்கியதாக அவரது புத்தாண்டுச் செய்தி தயாரிக்கப்பட்டிருந்தது. உங்கள் அனைவருக்கும் இனிய புத்தாண்டு வாழ்த்துக்கள் என்பது தமிழ் மொழி வாழ்த்துச் செய்தியாக இருந்தது.

கடந்த வருடமும் இதே போல் அவர் புத்தாண்டு வாழ்த்துச் செய்தியை அனுப்பியிருந்தார். ஆயினும் அதன் போது ஒவ்வொரு மொழிகளிலும் தனித்தனியாக வாழ்த்துச் செய்திகள் தயாரிக்கப்பட்டு அனுப்பப்பட்டிருந்தன.

அதற்கு மேலதிகமாக நேற்றைய தினம் இலங்கையின் பெரும்பாலான அரசியல் தலைவர்களும், இரண்டாம் கட்டத் தலைவர்களும் கூட புத்தாண்டு வாழ்த்துச் செய்திகளை வழங்கியிருந்தனர்.

அதிலும் குறிப்பாக இதுவரை காலமும் எந்தவொரு வைபவத்துக்கும் வாழ்த்துச் செய்தியே வழங்கியிருக்காத ஐ.தே.க. பாராளுமன்ற உறுப்பினர் சஜித் பிரேமதாசவும் கூட நேற்றைய தினம் வாழ்த்துச் செய்தியை வழங்கியிருந்தார்.

ஐ.தே.க.வின் தலைமைப் பதவிக்கு போட்டியிடும் முஸ்தீபுகளில் இருப்பதன் காரணமாகவே அவர் இம்முறை புத்தாண்டு வாழ்த்துச் செய்தியை வழங்கியிருப்பதாக பரவலாக பேசப்பட்டமை குறிப்பிடத்தக்கது.

மஹிந்த ராஜபக்சவினால் அனுப்பப்பட்ட குறுந்தகவல் மும்மொழிகளிலும்!

சிங்களம் - Oba samata saubhagyamath nawa wasarak wewa!

தமிழ் - Ungal anivarukum enadu iniya puthaandu nalvaalthukal!

ஆங்கிலம் - Wishing you all a prosperous new year! - Mahinda Rajapaksa

sender: PRESIDENT
message centre:+9477000003
sent:1-jan-2011