நாட்டில் பதற்றத்தை ஏற்படுத்த சில அரசியல் சக்திகள் முயற்சி

by **நண்பன்** Mon 15 Aug 2011 - 9:30

88, 89 ஆம் ஆண்டுகளைப் போல்

நாட்டில் பதற்றத்தை ஏற்படுத்த
சில அரசியல் சக்திகள் முயற்சி

நாட்டில் பதற்றத்தை ஏற்படுத்த சில அரசியல் சக்திகள் முயற்சி N1108151

மர்மமனிதன் தொடர்பான வதந்திகளில் எவ்வித உண்மையும் இல்லை. இந்த வதந்திகளை
ஆதாரமாக வைத்து பொலிஸாருடன் மோதல்களில் ஈடுபடுவதையும், சந்தேகத்தின் பேரில்
அப்பாவிகளைத் தாக்கி காயப்படுத்துதல், சிறைப்பிடித்தல், அவர்களை மரணிக்கச்
செய்யுமளவுக்கு படுகாயமடையச் செய்தல் போன்ற தீய செயல்களில் பொதுமக்கள் ஈடுபடாமல்
தங்களைப் பாதுகாக்கும் பொறுப்பை பொலிஸாரிடம் ஒப்படைத்துவிட்டு நிம்மதியாக இருக்க
வேண்டுமென பாதுகாப்பு செயலாளர் கோதபாய ராஜபக்ஷ பொதுமக்களிடம் வேண்டுகோள்
விடுத்துள்ளார்.

பொலிஸார் 1928 ஆம் ஆண்டிலிருந்தே மக்களை பாதுகாக்கும் கடமையை நெறியாக செய்து
வருகின்றார்கள் என்று சுட்டிக்காட்டிய பாதுகாப்புச் செயலாளர், பொலிஸாருக்கு பல்வேறு
சந்தர்ப்பங்களில் சமீப நாட்களில் பொதுமக்கள் கற்களால் தாக்கும் சட்டவிரோத
செயல்களிலும் ஈடுபட்டுள்ளனர் என்றும் சுட்டிக்காட்டினார். இவற்றுடன் நின்றுவிடாமல்
பொலிஸ் வாகனங்களையும் பொதுமக்கள் தாக்கி சேதப்படுத்தியிருப்பது ஒரு பெரும் குற்ற
மென்றும், இரு அப்பாவிகளை அடித் துக் கொலை செய்திருப்பது மன்னிக்க முடியாத
குற்றமென்றும் அவர் தெரி வித்துள்ளார். 1988 - 89 ஆம் ஆண்டுகளில் இலங்கையில் நிலை
கொண்டிருந்த பதற்ற நிலையைப் போன்றதொரு பாது காப்புக்கு அச்சுறுத்தலான சந்தர்ப்பத்தை
நாடெங்கிலும் மீண்டும் உருவாக்குவதற்கு சில சமூக விரோதிகள் இன்று திட்டமிட்டு
வருவதாகவும், அதன் ஒரு வெளிப்பாடே இந்த மர்மமனிதன் என்ற கற்பனையில் உருவாக்கப்பட்ட
கதாபாத்திரமென்றும் அரசாங்கம் இப்போது சந்தேகிக்கின்றது.
அன்று கீர்த்தி விஜயபாகு என்று தன்னை அழைத்துக் கொண்ட ஒரு தென்னிலங்கையிலிருந்து
தோன்றிய பயங்கரவாதி என்று தன்னை அறிமுகப்படுத் திக் கொண்ட ஒரு கொடியன் ஒரு துண்டு
காகிதத்தில் கடைகளை மூடிவிடுங்கள், வேலைநிறுத்தங்களை செய்யுங்கள் பாட சாலைகளைப்
பகிஷ்கரியுங்கள் என்றெல் லாம் அச்சுறுத்தல் கடிதங்களை அனுப்பி முழு நாட்டையே
செயலிழக்கச் செய்த யுகத்துக்கு மீண்டும் நாட்டை எடுத்துச் செல்வதற்கு பயன்படுத்தும்
ஒரு செய்முறை யாகவே இந்த மர்ம மனிதன் பற்றிய வதந்திகளைப் பரப்புவதற்கான காரணமென்று
அரசாங்கம் சந்தேகிக்கின்றது என அரசாங் கத்தின் முக்கியஸ்தர் ஒருவர் தெரிவித்தார்.
அப்படியான நிலை நாட்டில் மீண்டும் தோன்றுவதற்கு நாம் இடமளிக்க மாட்டோம். மக்களுக்கு
பூரண பாதுகாப்பை பெற்றுக் கொடுப்போம் என்று அரசாங்கம் இப்போது பொதுமக்களுக்கு
அறிவித்துள் ளது. எனவே, மக்கள் அச்சமின்றி நாட் டில் நடமாடமுடியுமென்றும்,
அவர்களுக்கு எவ்வித தீங்கும் ஏற்படாத வகையில் பொலிஸார் கண்ணும், கருத்துமாக
இருப்பார்கள் என்றும் அந்த அரசாங்க முக்கியஸ்தர் மேலும் உறுதியளித்துள்ளார்.