வயோதிப தம்பதிகளின் உயிரை பறித்த எமதர்மராஜா யார்?

by **நண்பன்** Mon 15 Aug 2011 - 9:37

வயோதிப தம்பதிகளின் உயிரை பறித்த எமதர்மராஜா யார்?

உக்குவளை விசேட நிருபர்

நாவுல பம்பரகஹவத் தை பிரதேசத்தில் உள்ள ஒரு பின்தங்கிய கிராமத்தில் ஏழ்மை நிலையில் ஒரு கணவனும் மனைவியும் வாழ்ந்துகொண்டிருந்தனர். அவர்களுக்கு எந்தவிதமான தொழிலும் இல்லாத காரணத்தினால் யானைகள் மற்றும் கொடிய மிருகங்கள் உள்ள காடுகளுக்குச் சென்று விறகுகளை எடுத்து வந்து அவற்றை சிறு கட்டுகளாக கட்டி வைத்து அந்தக் கிராமத்து மக்களுக்கு சமையலுக்காக விற்பனை செய்து கிடைக்கும் ஒரு சொற்ப தொகையை வைத்துக்கொண்டு கஞ்சி குடித் துக்கொண்டு உயிர் வாழந்து வந்தார்கள்.

இவர்களை அடிக்கடி நாடிவரும் சில ஆயுர்வேத வைத்தியர்கள் தங்கள் கைவச முள்ள சில மூலிகைச் செடிகளைக் காட்டி இவற்றை முடியுமானால் காடுகளில் இருந்து எடுத்துவாருங்கள் என்றும் கேட்பதுண்டு.

இப்படியான சந்தர்ப்பங்களில் அந்த வயோதிபத் தம்பதிகளுக்கு வழமையாக கிடைக்கும் வருமானத்தைவிட பத்து மடங்கு கூடுதலான வருமானமும் கிடைத்தது. கிடைத்ததை வைத்து அவர்கள் சிக்கனமாக கடன் படாமல் வாழ்ந்து வந்தார்கள். இவ்விதம் ஒரு நாள் அவர்கள் காட்டுக்கு விறகு தேடிச் சென்ற போது ஒரு அசம்பாவிதம் ஏற்பட்டது. ஒரு கரடி குளவிக்கூட்டை தற்செயலாக சிதைத்துவிட்ட போது கோபாவேசத்துடன் கலைந்து வெளியேறிய குளவிக் கூட்டம் கரடியை தாக்கிய போதிலும் அதன் வலுவான மேல் தசையும் நீண்ட உரோமங்களும் கரடிக்கு அந்தளவுக்கு ஆபத்தை ஏற்படுத்த வில்லை. கரடியை விரட்டிச்சென்ற குளவிக் கூட்டம் திடீரென தங்களுக்கு எதிர்பட்ட வயோதிப தம்பதியர் மீது தங்கள் ஆத்திரத்தை காட்ட ஆரம்பித்தன.

குளவியின் தாக்குதலை தாங்க முடியாது அந்த வயோதிப பெண் ஸ்தலத்திலேயே உயிர் துறந்தாள். பின்னர் இந்த தாக்குதல் பற்றிக் கேள்வியுற்ற கிராமத்து மக்கள் அந்தக் கணவனை தூக்கிச் சென்று ஆஸ் பத்திரியில் சிகிச்சைக்காக அனுமதித்த போதிலும் சிகிச்சை பலனளிக்காமல் சில மணித்தியாலங்களில் அந்த மனிதனும் மாண்டு போனார்.