நேரில் ஆஜராகாமல் இருக்க அனுமதி கேட்ட மனு தள்ளுபடி

by **நண்பன்** Mon 15 Aug 2011 - 10:21

ஜெயலலிதா மீதான சொத்து குவிப்பு வழக்கு:

நேரில் ஆஜராகாமல் இருக்க
அனுமதி கேட்ட மனு தள்ளுபடி

நேரில் ஆஜராகாமல் இருக்க அனுமதி கேட்ட மனு தள்ளுபடி I1108151

தமிழக முதல் அமைச்சர் ஜெயலலிதா மீதான சொத்து குவிப்பு வழக்கில் நேரில் ஆஜராவதில்
இருந்து விலக்கு கோரிய 2 மனுக்களை பெங்களூர் தனி நீதிமன்று தள்ளுபடி செய்து
உத்தரவிட்டது.
தமிழக முதல் அமைச்சர் ஜெயலலிதா, சசிகலா, சுதாகரன், இளவரசி ஆகியோர் மீதான சொத்து
குவிப்பு வழக்கு பெங்களூர் தனி நீதிமன்றில் நடந்து வருகிறது. இந்த வழக்கில்
சாட்சிகளிடம் விசாரணை முடிந்ததை தொடர்ந்து குற்றவியல் நடைமுறை சட்டம் 313 வது
பிரிவின் கீழ் குற்றம் சாட்டப்பட்டவர்கள் நேரில் ஆஜராகி வாக்குமூலம் அளிக்க வேண்டும்
என்று நீதிமன்றம் உத்தரவு போட்டது.
முதல் அமைச்சராக இருக்கும் ஜெயலலிதாவுக்கு பல்வேறு அலுவல் பணிகள் இருப்பதாகவும் அவர்
‘இசட்’ பிரவு பாதுகாப்பு வளையத்துக்குள் வருவதாலும் அவர் நேரில் ஆஜராக இயலாது.
எழுத்துபூர்வமாக வாக்குமூலம் அளிக்க அனுமதி வழங்க வேண்டும் அல்லது வீடியோ கான்பரன்ஸ்
மூலம் வாக்குமூலம் அளிக்க அனுமதிக்க வேண்டும் என்று கோரி தனித்தனியாக 2 மனுக்கள்
செய்யப்பட்டு இருந்தன.
இந்த மனுக்கள் மீது வக்கீல்களின் வாதம் முடிந்து தீர்ப்பு தள்ளி வைக்கப்பட்டு
இருந்தது. நேற்று இந்த மனுக்கள் மீது உத்தரவு பிறப்பிக்கப்படும் என்று நீதிபதி
அறிவித்து இருந்தார். அதன்படி பெங்களூர் தனி நீதிமன்ற நீதிபதி மல்லிகார்ஜூனய்யா
நேற்று முன்தினம் தீர்ப்பு வழங்கினார்.
அப்போது ஜெயலலிதா எழுத்துப் பூர்வமாக அல்லது வீடியோ கான்பரன்ஸ் மூலம் வாக்குமூலம்
அளிக்க அனுமதி கோரிய மனுக்களை நீதிபதி தள்ளுபடி செய்தார்.
இதைத் தொடர்ந்து ஜெயலலிதா தரப்பு வக்கீல் குமார் வேறு மனு ஒன்றை தாக்கல் செய்தார்.
அதில் ‘தமிழக முதல் அமைச்சர் ஜெயலலிதா சட்டசபை நிகழ்ச்சிகளில் கலந்துகொள்ள வேண்டி
இருப்பதால் வாக்குமூலம் பெறும் நடவடிக்கையை அடுத்த மாதம் (செப்டம்பர்) 14 ஆம்
திகதிக்கு பிறகு வைத்துக்கொள்ள வேண்டும்’ என்று அதில் கூறப்பட்டு இருந்தது. இந்த
மனுவையும் நீதிபதி தள்ளுபடி செய்தார்.
இதற்கு மத்தியில் சசிகலா மற்றும் இளவரசி தரப்பு வக்கீல்களான வெங்கடேஷ்வரலு, அசோகன்
ஆகியோர் மனு ஒன்றை தாக்கல் செய்தனர்.
‘வழக்கில் சாட்சிகளிடம் செய்த விசாரணை மற்றும் மறுவிசாரணையின்போது அவர்கள்
முரண்பாடாக அளித்த சாட்சியம் குறித்து அப்போதைய விசாரணை அதிகாரி நல்லம நாயுடுவை
அழைத்து விசாரிக்க வேண்டும்’ என்று அந்த மனுவில் கூறப்பட்டு உள்ளது.
தள்ளிவைப்பு
இதைத் தொடர்ந்து வழக்கு விசாரணையை 16 ஆம் திகதிக்கு (செவ்வாய்க்கிழமை) தள்ளிவைத்து
நீதிபதி மல்லிகார்ஜூனய்யா உத்தரவிட்டார். முன்னாள் விசாரணை அதிகாரியை விசாரிக்க
கோரும் மனு அன்று விசாரணைக்கு எடுத்து கொள்ளப்படும் என்று தெரிகிறது.