இங்கிலாந்திடம் இந்திய அணி 4-வது தோல்வியை தவிர்க்குமா? கடைசி டெஸ்ட் நாளை தொடக்கம்

ஓவல், ஆக. 17-


டோனி தலைமையிலான இந்திய
கிரிக்கெட் அணி இங்கிலாந்தில் சுற்றுப்பயணம் செய்து விளையாடி வருகிறது.
இதுவரை இல்லாத அளவுக்கு இந்திய அணி இங்கிலாந்தில் மிகவும் மோசமாக விளையாடி
வருகிறது. 4 டெஸ்ட் போட்டித் தொடரில் லார்டஸ் மைதானத்தில் நடந்த முதல்
டெஸ்டில் 196 ரன் வித்தியாசத்திலும், நாடிங்காமில் நடந்த 2-வது டெஸ்டில்
319 ரன் வித்தியாசத்திலும், பர்மிங்காமில் நடந்த 3-வது டெஸ்டில் இன்னிங்ஸ்
மற்றும் 242 ரன் வித்தியாசத்திலும் இந்தியா மோசமாக தோற்றது. இதன் மூலம்
தொடரை இழந்தது. அதோடு நம்பர்-1 அங்கீகாரத்தையும் இந்திய அணி இழந்தது.

இந்தியா-இங்கிலாந்து
அணிகள் மோதும் 4-வது மற்றும் கடைசி டெஸ்ட் போட்டி லண்டன் ஓவல் மைதானத்தில்
நாளை (வியாழக்கிழமை) தொடங்குகிறது. தொடர்ந்து 3 டெஸ்டிலும் தோற்ற இந்திய
அணி இந்த டெஸ்டிலாவது தோல்வியை தவிர்க்குமா? என்று ஆவலுடன்
எதிர்பார்க்கப்படுகிறது.

ஆறுதல் வெற்றி பெற
முடியாவிட்டாலும் இந்திய அணி டிரா செய்தாலே போதும் என்ற மன நிலை வந்து
விட்டது. இங்கிலாந்து அணியின் வேகப்பந்து வீச்சை சமாளிக்க முடியாமல் இந்திய
பேட்ஸ்மேன்கள் மிகவும் திணறி வருகிறார்கள். ஷேவாக், தெண்டுல்கர்,
காம்பீர், லட்சுமண், ரெய்னா ஆகியோரது ஆட்டம் மிகவும் சொதப்பலாக உள்ளது.
அதோடு பந்துவீச்சும் பெருத்த ஏமாற்றம் அளிக்கிறது.

ஜாகீர்கான்
இல்லாததால் இந்திய அணி பந்துவீச்சில் கடும் சரிவை சந்தித்து வருகிறது.
அவருக்கு பதிலாக இடம்பெற்ற ஆர்.பி.சிங்குக்கு இந்த டெஸ்டிலாவது கண்டிப்பாக
வாய்ப்பு வழங்க வேண்டும். ஸ்ரீசாந்த் இடத்தில் அவரை சேர்க்கலாம்.

வெஸ்ட்
இண்டீஸ் தொடரில் முத்திரை பதித்து இஷாந்த்சர்மாவால் இங்கிலாந்து
மைதானங்களில் சிறப்பாக பந்துவீச முடிய வில்லை. விக்கெட்டுகளை கைப்பற்ற
முடியாமல் திணறுகிறார். இந்திய அணி வீரர்கள் ஒருங்கிணைந்து ஆட வேண்டும்.
வீரர்கள் அனைவரும் உத்வேகத்துடன் விளையாடினால் மட்டுமே இங்கிலாந்தை
சமாளிக்க இயலும். கடும் விமர்சனத்துக்கு உள்ளான இந்திய வீரர்கள் அனைவரும்
தங்கள் திறமையை ஓவல் டெஸ்டில் நிரூபிக்க வேண்டிய நெருக்கடி உள்ளது.
இங்கிலாந்து அணி பேட்டிங், பந்துவீச்சில் சமபலத்துடன் காணப்படுகிறது.

பேட்டிங்கில்
கேப்டன் ஸ்டாரஸ், அலிஸ்டர் கூக், பீட்டர்சன், பெல்மார்கன், பிரையர்
ஆகியோர் நல்ல நிலையில் உள்ளனர். அந்த அணியின் முதன்மை வேகப்பந்து வீரரான
ஆண்டர்சன் முழு உடல்தகுதியுடன் இல்லாததால் நாளைய டெஸ்டில் விளையாடுவது
கேள்விக்குறியே. ஆண்டர்சன் ஆட முடியாத நிலை ஏற்பட்டால் கிரகாம்
ஆனியன்சுக்கு வாய்ப்பு கிடைக்கும். பிராட், பிரெஸ்னென் ஆகியோரது வேகப்பந்து
வீச்சும் இந்திய பேட்ஸ்மேன்களுக்கு கடும் சவாலாக இருக்கிறது.

இங்கிலாந்து
அணியை பொறுத்தவரை இந்த டெஸ்டிலும் வென்று 4-0 என்ற கணக்கில் தொடரை வெல்ல
வேண்டும் என்ற லட்சியத்தில் உள்ளது. இந்திய நேரப்படி மாலை 3.30 மணிக்கு
தொடங்கும் இந்த டெஸ்ட் ஸ்டார் கிரிக்கெட் சேனலில் நேரடியாக ஒளிபரப்பு
செய்யப்படுகிறது

ஒன்றை ஞாபகம் வைத்துக்கொள்ளுங்கள் ஏற்கன்வே பிட்சுகள் அனைத்தும் அவர்கள் வேக பந்துக்கு எகிறும் வகையில் தயார் செய்யப் பட்டு விட்டது .ஓவர் பவுன்ஸ்[எகிறும் ] வேகப் பந்துகளை எந்த கொம்பனாலும் தொடர்ந்து ஆடுவது கடினம் .ஆகையால் ஒரு சின்ன தவறு பண்ணி நாலே ஆட்டம் இழந்து விடுவார்கள் இது நம்ம ஆட்களுக்கும் தெரியும் .

jasmin wrote:ஒன்றை ஞாபகம் வைத்துக்கொள்ளுங்கள் ஏற்கன்வே பிட்சுகள் அனைத்தும் அவர்கள் வேக பந்துக்கு எகிறும் வகையில் தயார் செய்யப் பட்டு விட்டது .ஓவர் பவுன்ஸ்[எகிறும் ] வேகப் பந்துகளை எந்த கொம்பனாலும் தொடர்ந்து ஆடுவது கடினம் .ஆகையால் ஒரு சின்ன தவறு பண்ணி நாலே ஆட்டம் இழந்து விடுவார்கள் இது நம்ம ஆட்களுக்கும் தெரியும் .

:cheers: :cheers: