நிதி நெருக்கடியை சமாளிக்க பிரிட்டன் குறைந்த விலைக்கு போர்க் கப்பல்கள் விற்பனை

நிதி நெருக்கடியை சமாளிக்க பிரிட்டன் குறைந்த விலைக்கு போர்க் கப்பல்கள் விற்பனை
கடுமையான நிதி நெருக்கடியில் சிக்கியுள்ள பிரிட்டன், அதிலிருந்து சிறிதளவாவது மீள வேண்டும் என்பதற்காக தனது விமானந் தாங்கிக் கப்பல்கள், போர்க் கப்பல்கள், இராணுவ ஹெலிகொப்டர்களை விற்க முன்வந்துள்ளது.

பிரிட்டன் இராணுவ அமைச்சகத்தின் இந்தாண்டு பட்ஜெட்டில், 36 பில்லியன் பவுண்ட் துண்டு விழுந்துள்ளது. இந்தத் தொகையை சரி செய்வதற்காக அமைச்சகத்தின் இணைய தளத்தில், போர்க் கப்பல்கள், ஹெலிகொப்டர்களை விற்பதற்கான ஏல அறிவிப்பு வெளியாகியுள்ளது.

பல மில்லியன் பவுண்டுகளில் தயாரிக்கப்பட்ட கப்பல், ஹெலிகொப்டர்கள் வெறும் அடிமாட்டு விலைக்கு விற்கப்பட உள்ளன. 200 மில்லியன் பவுண்ட் செலவழித்து கட்டப்பட்ட, ‘எச். எம். எஸ். ஆர்க்ரோயல்’ என்ற விமானந் தாங்கிக் கப்பலுக்கு தற்போது வெறும் 3.5 மில்லியன் பவுண்ட் தான் ஏலத் தொகையாக நிர்ணயிக்கப்பட்டுள்ளது.

அதேபோல் ‘டைப் 22’ போர்க் கப்பல்கள் ஒவ்வொன்றும் 400 மில்லியன் பவுண்டில் உருவாக்கப்பட்டவை அவற்றின் தற்போதைய விற்பனை விலை வெறும் 3 இலட்சம் பவுண்ட் தான். இந்த விற்பனைப் பட்டியலில் 13 ‘கேசல்’ ஹெலிகொப்டர்கள், ஆயுதங்கள் பொருத்தப்பட்ட ‘ஜாகுவார்’ கார்கள், ‘லேண்ட் ரோவர்’ ஜீப்புகள், மோட்டார் பைக்குகள், இராணுவ வீரர்கள் அணியும் கவச உடைகள் இவை அனைத்தும் ஏலத்துக்குத் தயாராக உள்ளன.

இத்தனை பொருட்களையும் விற்றால் கூட இராணுவ அமைச்சகத்துக்கு வெறும் 4 பில்லியன் டொலர் மட்டுமே தேறும் எனக் கணக்கிடப்பட்டுள்ளது. இதன் மூலம் அமைச்சகத்தின்மிகப் பெரிய நிதிப் பற்றாக்குறையைக் குறைக்க இயலாது என்பதும் தெளிவாகியுள்ளது.

கிரேட் பிரிட்டன்?

தேவையற்ற ஆடம்பரம்... தனி மனிதனுக்கும் தேவையல்ல நாட்டுக்கும் தேவையில்லை..

இவர்கள் எப்போதே போண்டியாகி விட்டார்கள் வெறும் வெளிவேஷத்தில் ஓட்டிக்கொண்டு இருந்தார்கள் இப்போது வேஷம் கலைய துவங்கி இருக்கிறது

:”@: