இடியப்பச் சிக்கல் என்பது இதுதானோ?

என்னுடைய நேற்றைய பதிவில் சொல்லி இருந்ததைப் போல, தமிழர்களால் கண்டு பிடிக்கப்பட்ட ஒரு புதுமையான இயந்திரம் பற்றி இன்று சொல்கிறேன். அது வேறொன்றும் இல்லை. இடியப்பம் பிழியும் இயந்திரமே அதுவாகும்.


தமிழர்களின் உணவுவகைகளில் முக்கியமானது இடியப்பம். இந்த இடியப்பத்தை உருவாக்குவது என்பது நீண்டகாலமாகவே கொஞ்சம் சிக்கலாகவே இருந்து வந்தது. காரணம் சரியான பதத்தில் மாவினைக் குழைக்க வேண்டும். கொஞ்சம் கலவை பிழைத்தாலும் இடியப்பத்தை பிழிந்து எடுக்க முடியாது. காலம் காலமாக இடியப்பத்தினை பிழிவதற்கு மரத்தினால் செய்யப்பட்ட ஒரு கருவி இருக்கும்.

இலங்கையில் இதற்கு " இடியப்ப உரல் " என்று பெயர். தமிழ்நாட்டில் இதற்கு என்ன பெயர் என்று தெரியவில்லை. நேற்று பாண்டிச்சேரியை சேர்ந்த நண்பர் ஒருவரிடம் துருவித் துருவி விசாரித்தேன். ஊஹூம்....... விடை கிடைக்கவில்லை. இப்பதிவை வாசிக்கும் யாராவது சொன்னால் தேவலை!

நிற்க, இடியப்பத்தை இலகுவாகப் பிழிவதற்கு இப்போது மெஷின்கள் வந்துவிட்டன. இம்மெஷின்கள் இப்போது இலங்கை மற்றும் இந்தியாவிலும் பரவலான பாவனைக்கு வந்துள்ளன. இந்த மெஷினை உருவாக்கியவர் யார்? என்ற கேள்வி எழுந்தது. விடைதான் தெரியவில்லை. இடியப்பத்தைப் போலவே இடியப்ப மெஷினும் இப்போது சிக்கலாகவே உள்ளது!

சில நண்பர்களிடம் விசாரித்ததில், கனடாவில்தான் முதல் முறையாக இடியப்ப மெஷின் கண்டு பிடிக்கப் பட்டதாக தகவல் கிடைத்தது. இங்கு பிரான்சில் தமிழ் கடைகளில் விற்கப்படும் மெஷின்கள் கனடாவில் இருந்தே இறக்குமதி செய்யப்படுகின்றன என்ற தகவல் கிடைக்க, எனது தேடல் மேலும் சுவாரசியமானது.

கனடாவில் வசிக்கும் அலோசியஸ் என்பவரின் தொலைபேசி இலக்கம் கிடைத்தது. நேற்று மாலை அவரைத் தொடர்பு கொண்டு விசாரித்தேன். இடியப்ப மெஷினை முதல் முதலாக உருவாக்கியவர் தானே என்றும் 1989 ம் ஆண்டு இவற்றை உருவாக்கி சந்தைக்கு விட்டதாகவும் அவர் தெரிவித்தார். அவரது நிறுவனம் தயாரிக்கும் இடியப்ப மெஷினின் படம் கீழே உள்ளது.


ஆனால் மேலதிக தகவல்களுக்காக இண்டர்நெட்டை துழாவியபோது http://www.stringhoppermachine.com/ எனும் இணையத்தளம் இருப்பது தெரிய வந்தது. இடியப்ப மெஷின் எனும் பெயரிலேயே இணையத்தளம் இருப்பது ஆச்சரியத்தை உண்டாக்க, தளத்துக்கு சென்று பார்த்தேன்.

இஞ்சினியர் மோகன் என்பவர் நடத்தும் தளம் அது. அதில் தயாரிப்பாளர் மற்றும் கண்டு பிடிப்பாளர் தானே என்று குறிப்பிட்டுள்ளார். எனக்கு இப்போது மிகவும் குழப்பமாக உள்ளது. இந்த மெஷினைக் கண்டு பிடித்தவர் யார்? இந்த இருவரில் யாராக இருந்தாலும், தமிழர்கள் என்ற வகையில் எமக்கெல்லாம் பெருமைதான்!

எங்கள் வீட்டில் நாங்கள் பாவிப்பது அலோசியஸ் அவர்களின் நிறுவனம் தயாரித்த மெஷின்! ஆனால் அலோசியஸ் அவர்கள் கதைக்கும் போது தான் பாரிசுக்கு மெஷின்களை அனுப்புவதில்லை என்று தெரிவித்தார். பிறகு எப்படி உங்களுக்கு அது கிடைத்தது என்றும் கேட்டார். அது ஒரு நீளமான காமெடிக்கதை. அதை இப்போது சொல்வது பொருத்தமாக இருக்காது.


இலங்கையில் இப்போது பாவிக்கப்படும் மெஷின்கள் தமிழ்நாட்டில் இருந்து இறக்குமதி செய்யப்படுபவை என்றும் ஒரு தகவல் கிடைத்தது! சிலர் சொன்னார்கள் தமிழ்நாட்டில்தான் இவை முதல் முறையாக உருவாக்கப்பட்டன என்று!

எப்படியோ, இடியப்பம் எப்படிச் சிக்கலோ, அதைவிடச் சிக்கலாக உள்ளது இடியப்ப மெஷினைக் கண்டுபிடித்தவர் யார் என்பது? இந்தக் கேள்விக்கு விடைகாணும் பொறுப்பை உங்களிடமே விட்டு விடுகிறேன். கண்டறிந்து சொல்லுங்கள்!

இவ்வளவு கஷ்டப்பட்டு ஆராய்ச்சி நடத்தியுள்ளேன். ஒரு ஓட்டுப் போடக் கூடாதா நண்பர்களே?

தலயில் போட்டாச்சி போட்டாச்சி

நண்பன் wrote: தலயில் போட்டாச்சி போட்டாச்சி

ஏன் பாஸ் இந்த கோபம் என்னை அடிக்கவேண்டாம் அனைத்துக்கும் காரணம் உமா? :,;: :,;:

*ரசிகன் wrote:

நண்பன் wrote: தலயில் போட்டாச்சி போட்டாச்சி

ஏன் பாஸ் இந்த கோபம் என்னை அடிக்கவேண்டாம் அனைத்துக்கும் காரணம் உமா? :,;: :,;:

ஏன் என்னை வம்பில் மாட்டி விர்ரீங்க ரசிகன்.