அவசரகாலச் சட்டத்திற்குப் பதில் பயங்கரவாத தடைச் சட்டத்தின் மூலம் இராணுவத்திற்கு அதிகாரம்

அவசரகாலச்சட்டத்தை அடுத்தமாதம் நீக்கத் திட்டமிட்டுள்ள சிறிலங்கா அரசாங்கம், படையினருக்கு மேலதிக அதிகாரங்களை வழங்கும் வகையில், பயங்கரவாதத் தடைச்சட்டத்தை திருத்திமைக்கத் திட்டமிட்டுள்ளதாக கொழும்புத் தகவல்கள் தெரிவிக்கின்றன.

அடுத்தமாதம் 8ம் நாளுடன் அவசரகாலச்சட்டத்தை நீக்க சிறிலங்கா அரசாங்கம் முடிவு செய்துள்ளது.

லக்ஸ்மன் கதிர்காமர் கொலையை அடுத்து நடைமுறைக்கு கொண்டு வரப்பட்ட அவசரகாலச்சட்டம் கடந்த ஆறு ஆண்டுகளாக சிறிலங்காவில் நடைமுறையில் இருந்து வருகிறது.

மாதாந்தம் நாடாளுமன்றத்தினால் நீடிக்கப்பட்டு வரும் அவசரகாலச்சட்டம் அடுத்தமாதம் 8ம் நாளுடன் முடிவடைகிறது.

அன்றைய நாள் அவசரகாலச்சட்டத்தை மீளவும் நீடிப்பதற்கான பிரேரணையை சமர்ப்பிப்பதில்லை என்று சிறிலங்கா அரசாங்கம் முடிவு செய்துள்ளது. இதனால் இயல்பாகவே அவசரகாலச்சட்டம் செல்லுபடியற்றதாகி விடும்.

அவசரகாலச்சட்டம் நீக்கப்பட்டு இரண்டு வாரங்களில் பயங்கரவாதத் தடைச் சட்டத்தில் புதிய திருத்தங்களை செய்து கொள்வதற்கான பிரேரணை ஒன்று சிறிலங்கா நாடாளுமன்றத்தில் சமர்ப்பிக்கப்படவுள்ளதாக கூறப்படுகிறது.

அவசரகாலச்சட்டத்தின் மூலம் சிறிலங்கா படைகள் மற்றும் காவல்துறைக்கு கிடைத்து வந்த மேலதிக அதிகாரங்கள் சிலவற்றை பயங்கரவாதத் தடைச் சட்டத்தின் மூலம் வழங்குவதற்கே சிறிலங்கா அரசாங்கம் இந்தத் திருத்தத்தைச் செய்ய திட்டமிடப்பட்டுள்ளதாகவும் தகவல்கள் வெளியாகியுள்ளன.

எனினும் இதுபற்றி மேலதிக விபரங்கள் ஏதும் வெளியிடப்படவில்லை.

cnn

:”@:

எப்படியோ எதாவது ஒரு சட்டம் போட்டு மக்களை சோதிக்க வேண்டும்

jasmin wrote:எப்படியோ எதாவது ஒரு சட்டம் போட்டு மக்களை சோதிக்க வேண்டும்

மக்களை அடிச்சி அமர்த்த வேண்டும் அதுதான் அவர்களுக்கு வேண்டும்

பெயர் மாறி இருக்கிறதே தவிர ஆட்சியாளர்களின் குணாதிசயம் மாறவில்லை.....

அட்சயா wrote:பெயர் மாறி இருக்கிறதே தவிர ஆட்சியாளர்களின் குணாதிசயம் மாறவில்லை.....

@. @.