ஐந்தாம் தர புலமைப் பரிசில் பரீட்சையில் தவறிழைத்த உத்தியோகத்தர்களுக்கு எதிராக நடவடிக்கை

ஐந்தாம் தர புலமைப் பரிசில் பரீட்சையில் தவறிழைத்த உத்தியோகத்தர்களுக்கு எதிராக நடவடிக்கை
நிரூசி விமலவீர
நேற்று நடைபெற்ற ஐந்தாம் ஆண்டு புலமைப் பரிசில் பரீட்சையின் போது சில தவறுகள் இடம்பெற்றிருப்பதாக கல்வி அமைச்சுக்கு புகார்கள் கிடைத்துள்ளன. ஐந்தாம் தர புலமைப் பரிசில் பரீட்சை நடைபெறும் பாடசாலைகளுக்கு போதியளவு பொலிஸ் பாதுகாபபு அளிக்கப்படவில்லை என்றும் முறைப்பாடு செய்யப்பட்டுள்ளது.

நுகேகொட அனுலா வித்தியாலயத்தில் இந்தப் பரீட்சை நடைபெற்றுக் கொண்டிருந்த போது வித்தியாலய கட்டடத்திற்குள் நடைபெற்ற இன்னுமொரு கூட்டத்தில் நிகழ்த்தப்பட்ட உரைகள் ஒலிபரப்பப்பட்டதன் மூலம் பரீட்சை எழுதிய இளம் பிள்ளைகளுக்கு அதனால் பாதிப்பு ஏற்பட்டதாகவும் முறைப்பாடு செய்யப் பட்டுள்ளது. மூன்றாவதாக கிளிநொச்சியில் உள்ள ஒரு பரீட்சை நிலையத்தில் புல மைப் பரிசில் பரீட்சைக்கு விண்ணப்பிக்காத 8 பிள்ளைகள் பரீட்சை எழுத அனுமதிக் கப்பட்டார்கள் என்ற மற்றுமொரு முறைப்பாடும் கிடைக்கப்பட்டுள்ளது.

இதுபற்றி மேலும் தகவல் தெரிவித்த பரீட்சைகள் திணைக்களத்தின் ஆணையாளர் நாயகம் அனுர எதிரிசிங்க பரீட்சைகள் திணைக்களம் இந்தப் பரீட்சை எழுதுவேண் டிய மாணவர்கள் பற்றிய இறுதி பட்டி யலை ஒவ்வொரு பாடசாலைகளுக்கும் அனுப்பி வைத்திருக்கிறது என்றும் அதனை பரிசீலனைக்கு எடுத்துக்கொண்ட பின்னர் சம்பந்தப்பட்ட மாணவர்களை பரீட்சை எழுத அனுமதிப்பது பாடசாலை அதிபர்களின் பொறுப்பு என்றும் கூறினார்.

எனவே இந்தப் பரீட்சை விடயத்தில் தவறிழைத்த பாடசாலை அதிபர்களுக்கு எதிராக ஒழுக்காற்று நடவடிக்கைகளை எடுக்க வேண்டும் என்றும் அவர் கல்வி அமைச்சருக்கு வேண்டுகோள் விடுத்துள்ளார்.

மன்னாரில் ஒரு பரீட்சை மண்டபத்திற்குப் பொறுப்பாக இருந்த அதிகாரி அந்த மண்டபத்திற்கு போதிய பொலிஸ் பாதுகாப்பு அளிக்க நடவடிக்கை எடுக்க தவறினார் என்று குற்றச்சாட்டின் பேரில் அவரை அந்தப் பதவியில் இருந்து இடைநிறுத்தி அவருக்கு எதிராக ஒழுக்காற்று நடவடிக்கைகளை தாம் எடுக்கப் போவதாக பரீட்சைத் திணைக்கள ஆணையாளர் நாயகம் மேலும் தெரிவித்துள்ளார்.