சிம்பாப்வே தொடருடன் பாக். பயிற்சியாளர் யூனிஸ் விலகல்

சிம்பாப்வே தொடருடன் பாக். பயிற்சியாளர் யூனிஸ் விலகல்
சிம்பாப்வே தொடருடன் பாகிஸ்தான் கிரிக்கெட் அணியின் பயிற்சியாளர் பதவியில் இருந்து விலகுவதாக வக்கார் யூனிஸ் அறிவித்துள்ளார்.

லாகூரில் செய்தியாளர்களைச் சந்தித்த அவர், இதுகுறித்து மேலும் கூறியது; சிம்பாப்வே தொடருடன் பாகிஸ்தான் அணியின் பயிற்சியாளர் பதவியில் இருந்து விலக முடிவு செய்துள்ளேன். எனது உடல் நிலையைக் கருத்தில் கொண்டே இந்த முடிவை எடுத்துள்ளேன். பாகிஸ்தான் கிரிக்கெட் சபையும் எனது ராஜினாமாவை ஏற்றுக்கொண்டுள்ளது என்றார்.

வீரர்கள் மற்றும் கிரிக்கெட் சபை அதிகாரிகளுடன் ஏற்பட்ட மோதல் காரணமாகவே பதவி விலகுவதாக வெளியான செய்தியை மறுத்த அவர், மக்கள் என்னுடைய முடிவை முழுமையாக தெரிந்துகொள்ளவில்லை என்றார்.

மேற்கிந்திய தீவுகள் தொடரில் பாகிஸ்தான் விளையாடியபோது, அப்போதைய அணித்தலைவர் அப்ரிடிக்கும், வக்கார் யூனிஸ¤க்கும் இடையே மோதல் ஏற்பட்டது. இதையடுத்து அபரிடி ஓய்வுபெற்றார்.

சமீபத்தில் அணியின் முகாமையாளர் இன்திகாப் ஆலம் நீக்கப்பட்டார். இதேபோல் உதவி பயிற்சியாளர்களும் நீக்கப்பட்டனர். இந்த நிலையில் வக்கார் யூனிஸ் விலகியுள்ளார். அவரின் ஒப்பந்தம் அடுத்த ஆண்டுதான் முடிவடைகிறது. வரும் 25ம் திகதி சிம்பாப்வே புறப்படும் பாகிஸ்தான் அணி அங்கு ஒரு டெஸ்ட், 3 ஒருநாள் போட்டி, 2 இருபது –20 போட்டிகளில் விளையாடவுள்ளமை குறிப்பிடத்தக்கது.

நன்றி தகவலுக்கு.