என் வாழ்க்கையை கெடுத்தவர் செப்பல் கங்குலி குற்றச்சாட்டு

by **நண்பன்** Mon 22 Aug 2011 - 4:32

என் வாழ்க்கையை கெடுத்தவர் செப்பல்
கங்குலி குற்றச்சாட்டு
இந்திய அணிக்கு பயிற்சியாளராக இருந்து, என் வாழ்க்கையை கெடுத்தவர் கிரேக் செப்பல் என காரசாரமாக கூறியுள்ளார் சவ்ரவ் கங்குலி.

இங்கிலாந்துக்கு எதிராக 2 ஆஷஸ் தொடரில் அவுஸ்திரேலியா படுதோல்வி அடைந்தது. இது குறித்து விசாரணை நடத்திய அவுஸ்திரேலிய கிரிக்கெட் சபை, அணியின் தேர்வுக்குழு தலைவர் அன்ட்ரூ ஹில்டிச், முகாமையாளர் கிரேக் செப்பலின் தவறான முடிவுகள் தான் தோல்விக்கு முக்கிய காரணம் எனக் கூறி இருவரையும் பதவியிலிருந்து அதிரடியாக நீக்கியது. இது குறித்து, லண்டனில் பேட்டியளித்த இந்திய அணியின் முன்னாள் தலைவர் சவ்ரவ் கங்குலி கூறியதாவது:-

இந்திய அணியின் பயிற்சியாளராக செப்பல் இருந்த போது பல சர்ச்சைகள் ஏற்பட்டன. அணித் தலைவராக இருந்த எனக்கும் அவருக்கும் கருத்து வேறுபாடு ஏற்பட்டது. நான் பயிற்சிக்கு முறையாக வருவதில்லை, செப்பல் சொல்வதை கேட்ப தில்லை என அடுக்கடுக்காக தவறான புகார்களை கூறினார். ஆனால் இப்போது மக்கள் தெரிந்து கொண்டிருப்பார்கள் யார் நல்லவர், யார் கெட்டவர் என்று. அவுஸ்திரேலிய கிரிக்கெட் நிர்வாகம், செப்பலுக்கு சரியான பாடம் புகட்டியுள்ளது.

கிரிக்கெட்டில் அரசியலை புகுத்தி, எனது கிரிக்கெட் வாழ்க்கையை அவர் கெடுத்து விட்டார். செப்பல் நல்ல கிரிக்கெட் வீரர், அவரக்கு நல்ல பெயர் உண்டு. அவர் நடந்து கொண்ட விதம் துரதிஷ்டவசமானது. இவ்வாறு கங்குலி கூறினார்.

2005 – 06 ஆம் ஆண்டில் செப்பலுடன் ஏற்பட்ட கருத்து வேறுபாடால் கங்குலியின் அணித் தலைமை பதவி பறிபோய், அதன் பின்னர் அணியில் அவர் இடம் பெற முடியாமலேயே போனது குறிப்பிடத்தக்கது.