சென்னையில் நாளை நடிகர், நடிகைகள் உண்ணாவிரதம்; அன்னா ஹசாரேக்கு ஆதரவு

சென்னை, ஆக 22-


அன்னா
ஹசாரேக்கு ஆதரவாக நடிகர், நடிகைகள் சென்னையில் நாளை உண்ணாவிரதம்
இருக்கின்றனர். காந்தியவாதி அன்னா ஹசாரே ஊழலுக்கு எதிராக நடத்தும்
போராட்டத்துக்கு நாடு முழுவதும் ஆதரவு பெருகி வருகிறது. திரையுலகினரும்
அவர் பக்கம் சேர்ந்துள்ளனர். இந்தி நடிகர், நடிகைகள் பலரும் அன்னா
ஹசாரேவுக்கு ஆதரவாக பேட்டி அளித்துள்ளனர்.

தமிழில்
நடிகர்கள் கமல்ஹாசன், மாதவன் போன்றோரும் ஊழலுக்கு கடுமையாக எதிர்ப்பு
தெரிவித்துள்ளனர். தெலுங்கு திரையுலகம் சார்பில் அன்னா ஹசாரேக்கு ஆதரவாக
நேற்று முன்தினம் ஊர்வலம் மற்றும் உண்ணாவிரதம் நடைபெற்றது.

தெலுங்கு
நடிகர், நடிகைகள் தயாரிப்பாளர்கள், இயக்குனர்கள் உள்ளிட்டோர் பங்கேற்றனர்.
இது போல் தமிழ் திரை யுலகினரும் அன்னா ஹசாரேயின் ஊழல் எதிர்ப்புக்கு
ஆதரவாக போராட்டத்தில் குதிக்கின்றனர். சென்னை அண்ணா மேம்பாலம் அருகில் உள்ள
தென்னிந்திய திரைப்பட வர்த்தக சபை வளாகத்தில் நாளை அவர்கள் ஒரு நாள் உண்ணா
விரதத்துக்கு ஏற்பாடு செய்துள்ளனர். காலை 9 மணி முதல் மாலை 5 மணி வரை இந்த
உண்ணாவிரதம் நடைபெறும்.

நடிகர், நடிகைகள்,
இயக்குனர்கள், தயாரிப்பாளர்கள், திரைப்பட விநி யோகஸ்தர்கள், திரையரங்கு
உரிமையாளர்கள், திரைப்பட தொழில் நுட்ப கலைஞர்கள் என அனைவரும் உண்ணா
விரதத்தில் பங்கேற்கின்றனர். இது குறித்து போராட்ட அமைப்பாளர்களில்
ஒருவரான தயாரிப்பாளர் சித்ராலட்சுமணன் கூறும் போது அன்னா ஹசாரேயின்
ஊழலுக்கு எதிரான போராட்டத்துக்கு ஆதரவு தெரிவித்து தமிழ் திரையுலகினர் நாளை
நடத்தும் உண்ணாவிரதம் உணர்வு பூர்வமானது. இதில் திரையுலகினரின் அனைத்து
தரப்பினரும் பங்கேற்பார்கள்.

தயாரிப்பாளர் சங்க
தலைவர் எஸ்.ஏ. சந்திரசேகரன், நடிகர் சங்க பொதுச் செயலாளர் ராதாரவி,
திரையரங்கு உரிமையாளர்கள் சங்க தலைவர் அபிராமி ராம நாதன் இயக்குனர் சேரன்,
திரைப்பட தொழிலாளர் சங்க செயலாளர் சிவா, விநியோகஸ்தர் சங்க தலைவர்
கலைப்புலி சேகரன் போன்றோர் தலைமையில் பெரும் திரளான திரையுலகினர்
பங்கேற்கின்றனர் என்றார்.

சென்னை, திருவள்ளூர், காஞ்சீபுரம் மாவட்ட திரைப்பட விநியோகஸ்தர் சங்க தலைவர் கலைப்புலி சேகரன் கூறும்போது:-

ஊழலுக்கு
எதிராக அமைதி வழியில் போராடும் அன்னா ஹசாரே நிகழ்கால காந்தியாக காட்சி
அளிக்கிறார். மக்கள் சக்தி துணையோடு ஊழல் அரக்கனை வீழ்த்த களம் இறங்கியுள்ள
அவரது முயற்சி அரசியல் வாதிகள், அதிகாரிகளுக்கு எச்சரிக்கை மணியாக
அமையும். போராட்டத்தில் அவர் வெல்வார். அன்னா ஹசாரேக்கு ஆதரவாக தமிழ்
திரையுலகினர் நடத்தும் உண்ணா விரதத்தில் விநியோகஸ்தர் சங்கத்தினர்
பங்கேற்பார்கள் என்றார்.

முதலில் இவனை காந்தியவாதி என்று சொல்வதை நிறுத்த வேண்டும் ...இவன் ஒரு கொலைகாரன்

அன்னா
ஹசாரேக்கு ஆதரவாக நடிகர், நடிகைகள் சென்னையில் நாளை உண்ணாவிரதம்
இருக்கின்றனர். காந்தியவாதி அன்னா ஹசாரே ஊழலுக்கு எதிராக நடத்தும்
போராட்டத்துக்கு நாடு முழுவதும் ஆதரவு பெருகி வருகிறது. திரையுலகினரும்
அவர் பக்கம் சேர்ந்துள்ளனர். இந்தி நடிகர், நடிகைகள் பலரும் அன்னா
ஹசாரேவுக்கு ஆதரவாக பேட்டி அளித்துள்ளனர்.

புது விளம்பர யுக்தி