ஹம்பர்க் வீதி விழாவில் வன்முறை: பலர் படுகாயம்.

by **ஜிப்ரியா** Tue 23 Aug 2011 - 7:52

ஜேர்மனியின் ஹம்பர்க்கில் புகழ்பெற்ற வீதி விழா நடைபெற்றது. தெருவில் நடைபெறும் இந்த விழாவில் இளைஞர்கள் உற்சாகமாக கலந்து கொண்டனர்.
வெகு சிறப்பாக நடந்து கொண்டிருந்த இந்த கேளிக்கை நிகழ்ச்சியில் திடீரென வன்முறை வெடித்தது. இந்த வன்முறையை கட்டுப்படுத்த பொலிசார் கைது நடவடிக்கைகளை மேற்கொண்டனர்.
இந்த தாக்குதலின் போது சிலர் படுகாயம் அடைந்தனர். வன்முறையாளர்களுக்கு எதிராக பொலிசார் தண்ணீர் பீரங்கிகளை பயன்படுத்தினர். வடக்கு ஜேர்மனியின் நகரமான ஹம்பர்க்கில் இந்த வன்முறையால் சனிக்கிழமை மாலை பதட்டம் காணப்பட்டது.
வன்முறையில் ஈடுபட்டது தொடர்பாக 10க்கும் குறைவான இளைஞர்கள் கைது செய்யப்பட்டார்கள். இந்த தாக்குதலில் காயம் அடைந்தவர்களை பற்றிய விவரம் உடனடியாக தெரியவில்லை.
ஒரு கும்பல் ஜேர்மன் வங்கியின் கிளை அலுவலகத்தை உடைக்க முயன்ற போது வன்முறை ஏற்பட்டது. சம்பவ இடத்தில் சனிக்கிழமை இரவு 2 ஆயிரம் பொலிசார் பாதுகாப்புக்காக குவிக்கப்பட்டு இருந்தனர்.
கடந்த ஆண்டு இந்த விழாவின் போது 14 பேர் வன்முறையில் காயம் அடைந்தனர். 40 பேர் கைது செய்யப்பட்டனர் என்பது குறிப்பிடத்தக்கது.

by **jasmin** Tue 23 Aug 2011 - 10:41

இதை இனி வன்முறை விழா என்று அழைக்கலாமா?

ஹம்பர்க் வீதி விழாவில் வன்முறை: பலர் படுகாயம்.

ஹம்பர்க் வீதி விழாவில் வன்முறை: பலர் படுகாயம்.

Re: ஹம்பர்க் வீதி விழாவில் வன்முறை: பலர் படுகாயம்.