பிரிட்டனில் 2,66,000 சட்டவிரோத குடியிருப்பாளர்கள்

by **நண்பன்** Thu 25 Aug 2011 - 4:27

பிரிட்டனில் 2,66,000 சட்டவிரோத குடியிருப்பாளர்கள்

புகலிடம் தேடி 6 இலட்சத்திற்கு
மேற்பட்டோர் விண்ணப்பம்

பிரிட்டனில் புகலிடம் தேடி வருவோர்கள் பிரச்சினைக்கு தீர்வு காண இதுவரை ஆயிரம் கோடி
பவுண்ட் செலவாகி உள்ளதாக பிரிட்டனின் இடம்பெயர்வு கண்காணிப்பு அமைப்பு
தெரிவித்துள்ளது.
பிரிட்டனில் 2,66,000 சட்டவிரோத குடியிருப்பாளர்கள் W-3

பிரிட்டனில் 2,66,000 சட்டவிரோத குடியிருப்பாளர்கள் W-3

கடந்த 1997 ஆம் ஆண்டு முதல் 2010ஆம் ஆண்டு வரை பிரிட்டனில் புகலிடம் தேடி வர 6
இலட்சத்து 60 ஆயிரம் விண்ணப்பங்கள் வந்துள்ளன. இதில் நான்கில் ஒரு விண்ணப்பம்
புகலிட நிலையில் இருந்து நீக்கப்பட்டுள்ளது.
பிரிட்டனுக்கு புகலிடம் தேடி வருவோரை முறைப்படுத்துவதற்கான செயல்பாட்டுக்கு சட்ட
உதவி மற்றும் நீதிமன்ற கட்டணங்கள் உட்பட இதர செலவினங்கள் ஆயிரம் கோடி பவுண்ட்
ஆகியுள்ளது. நாள் ஒன்றுக்கு 20 இலட்சம் பவுண்ட் செலவு ஆகி இருக்கிறது.
1999ஆம் ஆண்டு முதல் இந்த செலவினம் ஆகியுள்ளது. கடந்த 13 ஆண்டு காலகட்டத்தில்
இருந்து 5 இலட்சத்து 9 ஆயிரம் விண்ணப்பதாரர்கள் பிரிட்டனில் உள்ளனர். இதில் 2
இலட்சத்து 43 ஆயிரம் பேர் சட்டபூர்வமாகவும் 2 இலட்சத்து 66 ஆயிரம் பேர்
சட்டவிரோதமாகவும் இருந்து வருகின்றனர் என்றும் தெரிவிக்கப்பட்டுள்ளது.
புகலிட கண்காணிப்பு அமைப்பின் தலைவர் சர் ஆண்ட்ரூ கிறின் கூறுகையில், முறையாக
புகலிடம் தேடி வந்துள்ளவர்களை பாதுகாக்க வேண்டியது எங்கள் கடமை என்று அவர்
தெரிவித்தார்.