கடாபியை பிடிக்க திரிபோலியில் கிளர்ச்சிப்படை தேடுதல் வேட்டை

by **நண்பன்** Fri 26 Aug 2011 - 9:22

கடாபியை பிடிக்க திரிபோலியில்
கிளர்ச்சிப்படை தேடுதல் வேட்டை

மேலும் 8 மாதத்தில் லிபியாவில் தேர்தல் நடத்த திட்டம்

லிபிய தலைநகர் திரிபோலியில் முஅம்மர் கடாபியைத் தேடும் வேட்டையில் கிளர்ச்சிப்படை
ஈடுபட்டுள்ளது. எனினும் திரிபோலியின் சில பகுதிகளில் தொடர்ந்தும் மோதல்கள்
இடம்பெற்று வருகின்றன.
கடாபியை பிடிக்க திரிபோலியில் கிளர்ச்சிப்படை தேடுதல் வேட்டை W3

கடாபியை பிடிக்க திரிபோலியில் கிளர்ச்சிப்படை தேடுதல் வேட்டை W3

திரிபோலியின் புறநகர் பகுதியில் அமைந்துள்ள முஅம்மர் கடாபியின் குடியிருப்புப்
பகுதியான பாப் அல் அkஸியாவை கைப்பற்றிய கிளர்ச்சிப்படை அங்கு தொடர்ந்து தேடுதல்
வேட்டையில் ஈடுபட்டுள்ளது.
எனினும் பாப் அல் அkஸியா வளாகத்திற்குள் எஞ்சியிருக்கும்
கடாபி ஆதரவுப்படை வீரர்கள் கிளர்ச்சியாளர்கள் மீது ஸ்னைப்பர் தாக்குதல்களை
தொடர்ந்தும் நடத்தி வருகின்றனர்.
அதேபோன்று திரிபோலியின் ஏனைய பகுதிகளும் அமைதியாக காணப்பாட்டலும், ஆங்காங்கே
நிலைகொண்டிருக்கும் கடாபி ஆதரவுப் படையினர் கிளர்ச்சியாளர்கள் மீது தாக்குதல்
தொடுத்து வருகின்றனர். எனவே, திரிபோலி இன்னும் ஆபத்தான நகராகவே உள்ளதாக
அங்கிருக்கும் ஊடகவியலாளர்கள் தெரிவிக்கின்றனர்.
இந்நிலையில் முஅம்மர் கடாபி திரிபோலிக்குள்ளே தான் இருக்க வேண்டும் என
புரட்சியாளர்கள் கருதுகின்றனர். கடாபியை உயிருடன் பிடித்துக்கொடுத்தாலோ, கொலை
செய்தாலோ அதனை செய்தவருக்கு பொது மன்னிப்பு அளிக்கப்படும் என்றும் புரட்சியாளர்கள்
தரப்பில் தெரிவிக்கப்பட்டுள்ளது.
கடாபியை பிடித்துக் கொடுப்பவர்களுக்கு 17 இலட்சம் டொலர் பரிசுத் தொகையும்
அறிவிக்கப்பட்டுள்ளது.
கடாபியின் பிறந்தகமான கடலோர நகரமான சிர்த்தில் இன்னும் கடாபி இராணுவத்தின்
கட்டுப்பாடுதான் உள்ளது. கடாபி பிடிபடும் வரையிலும் அல்லது கொல்லப்படும் வரையிலும்
அவரது ஆதாரவாளர்கள் எதிர்த்துக் கொண்டு தான் இருப்பார்கள் என புரட்சியாளர்களின்
தேசிய மாற்ற கவுன்சிலின் தலைவர் முஸ்தபா அப்தெல் ஜலில் தெரிவித்தார்.
கடாபியை உயிருடனோ அல்லது கொன்று தருபவர்களுக்கு புரட்சி ஆதரவுத் தொழிலதிபர்கள் 17
இலட்சம் டொலர் பரிசுத் தொகையை அறிவித்துள்ளனர்.
இதேவேளை கடாபி ஆதரவுப் படையினரால் தடுத்து வைக்கப்பட்டிருந்த 35 சர்வதேச
ஊடகவியலாளர்களும் விடுவிக்கப்பட்டுள்ளனர். கடாபி ஆதரவுப்படையின் கட்டுப்பாட்டில்
உள்ள திரிபோலியின் ரிக்ஸன் ஹோட்டலுக்குள் கடந்த 5 நாட்களாக சிக்கி இருந்த இந்த
ஊடகவியலாளர்கள் செஞ்சிலுவைச் சங்கத்தின் தலையீட்டின் மூலம் விடுவிக்கப்பட்டனர்.
இதற்கிடையில் இன்னும் எட்டு மாதங்களுக்குள் லிபியாவில் நிலைமை சீராக்கப்பட்டு,
பொதுத் தேர்தல் மற்றும் ஜனாதிபதி தேர்தல் நடத்தப்படும் என தேசிய மாற்ற கவுன்ஸில்
அறிவித்துள்ளமை குறிப்பிடத்தக்கது.