பெருவில் கடும் நிலநடுக்கம்; கட்டடங்கள் குலுங்கின

by **நண்பன்** Fri 26 Aug 2011 - 9:22

பெருவில் கடும் நிலநடுக்கம்;
கட்டடங்கள் குலுங்கின

பெருவில் கடும் நிலநடுக்கம்; கட்டடங்கள் குலுங்கின W4

பெரு நாட்டில் ஏற்பட்ட பயங்கர நிலநடுக்கத்தால் கட்டடங்கள் குலுங்கின. இதனால் மக்கள்
பீதியில் வீட்டை விட்டு வெளியே வந்தனர்.
லத்தீன் அமெரிக்க நாடான பெரு நாட்டின் தலைநகர் லிம்பா நகரிலிருந்து வடகிழக்கே 79
கி. மீ. தொலைவில் உள்ள புக்காபலா பகுதியில் நேற்று முன்தினம் இரவு 12.45 மணியளவில்
பயங்கர நிலநடுக்கம் ஏற்பட்டதாக அந்நாட்டு புவியியல் ஆய்வு மையம் (ஐ. ஜி. பி)
தெரிவித்துள்ளது.
இந்த நிலநடுக்கம் ரிச்டர் அளவு கோலில் 7ஆக பதிவானது. பெரு நாட்டின்
சில மாகாணங்களிலும் பக்கத்து நாடான பிரேசில் உள்ளிட்ட எல்லை பகுதிகளிலும் இந்த
நிலநடுக்கம் உணரப்பட்டதாகவும், சுமார் 5 முதல் 10 வினாடி வரை நீடித்தது எனவும் ஆய்வு
மையம் கூறியுள்ளது.
எனினும் இந்த நிலநடுக்கத்தால் உயிர்ச்சேதம் ஏற்பட்டதாக தகவல் இல்லை. இந்த
நிலநடுக்கத்தால் தொலைபேசி மற்றும் கையடக்க தொலைபேசி சேவைகள் கடுமையாகப்
பாதிக்கப்பட்டன. கட்டடங்கள் குலுங்கியதால் பீதியில் மக்கள் வீட்டைவிட்டு
அலறியடித்துக்கொண்டு வெளியே ஓடிவந்தனர்.