பணம் சம்பாதித்ததை நிரூபித்தால் குற்றத்தை ஏற்கத் தயார்

பணம் சம்பாதித்ததை நிரூபித்தால்
குற்றத்தை ஏற்கத் தயார்



"2ஜி அலைக்கற்றை ஒதுக்கீட்டில் நானும் எனது குடும்பத்தாரும் பணம் சம்பாதித்ததாக
சி.பி.ஐ. நிரூபித்தால் அனைத்து குற்றச்சாட்டுக்களையும் ஏற்றுக்கொள்ள தயார் என்று
மத்திய தொலைத் தொடர்புத்துறை முன்னாள் அமைச்சர் ஆ. ராசா தெரிவித்தார்.
டில்லியிலுள்ள சி.பி.ஐ. சிறப்பு நீதிமன்றத்தில் புதன் கிழமை அவர் நேரில் ஆஜராகி
வாதாடினார்.
அவரது வாதம் இந்தியாவில் வெறும் 5 நிறுவனங்கள் மட்டுமே தொலைத் தொடர்புத்துறையில்
இலாபம் சம்பாதித்து வந்தன. 2010 ஆம் ஆண்டு 6.2 மெகா ஹெர்ட்ஸ¤க்கு மேல் உள்ள
அலைக்கற்றையை பயன்படுத்தினால் அதற்கு கட்டணம் செலுத்த வேண்டும் என்ற நடைமுறையை
கொண்டு வந்தேன்.

இதற்கு முன் தனியார் நிறுவனங்கள் அலைக்கற்றையை இலவசமாக பயன்படுத்தி
வந்தன. பத்திரிகைகளில் தெரிவிக்கப்பட்ட குற்றச்சாட்டுகளை அடிப்படையாக வைத்து
சி.பி.ஐ. வழக்கு தொடர்ந்து உள்ளது.

அலைக்கற்றை ஒதுக்கீட்டில் நான் தன்னிச்சையாக
முடிவு எடுத்தேன் என்றும் அரசின் விதிமுறைகளை மீறி உரிமங்களை வழங்கினேன் என்றும்
தணிக்கைக்குழு அறிக்கையில் குறிப்பிடவி ல்லை. தொலைத்தொடர்புத் துறையில்
சம்பந்தப்பட்ட அனைத்துத்துறை அதிகாரிகளையும் அலோசித்த பின்னர்தான் உரிமங்கள்
வழங்கப்பட்டன.

இரண்டாவது குற்றப்பத்திரத்தில் நான் "கிரீன்" ஹவுஸ் பிரமோட்டர்ஸ்"
என்ற நிறுவனத்தை ஆரம்பித்து பணம் சம்பாதித்ததாகக் கூற ப்பட்டுள்ளது. "கிரீன் ஹவுஸ்
பிரமோட்டர்ஸ்" நிறுவனத்துக்கு ரூ. 750 கோடி பணம் வழங்கப்பட்டதாக
குற்றஞ்சாட்டப்பட்டுள்ளது. இது முற்றிலும் தவறா¡னது. டி.பி. ரியாலிட்டீஸ் வழங்கிய
ரூ. 1.05 கோடி பணம் திரும்ப வழங்கப்பட்டுள்ளது. அதுவும் சட்டபூர்வ
பணப்பரிமாற்றம்தான்.
எனது உறவினர்களின் 7 பேர் வீட்டில் சி.பி.ஐ. சோதனை நடத்தினார்கள். இதில் நானும் எனது
உறவினர்களும் பணம் சம்பாதித்ததை சி.பி.ஐ. அமுலாக்கப் பிரிவினர், வருமான வரித்
துறையினர் நிரூபிக்க தயாரா? அவர்களுக்கு நான் சவால் விடுகிறேன்.
அப்படி நிரூபித்தால் அனைத்து குற்றச்சாட்டுகளையும் ஏற்றுக்கொள்கிறேன் என வாதிட்டார்.
இந்த வழக்கில் குற்றம் சாட்டப்பட்டவர் கள் தெரிவித்த வாதங்களுக்கு வரும் திங்கள்
கிழமை சி.பி.ஐ. தரப்பில் மூத்த வழக்கறி ஞர் யு.யு. லலித் ஆஜராகி விளக்கம்
அளிக்கவுள்ளார்.

சபாஷ்.....சரியான கேள்விகள்...