உண்ணாவிரதத்தை கைவிட மாட்டேன்! - ஹஸாரே பிடிவாதம்

டெல்லி: மத்திய அரசு மீண்டும் மீண்டும் உண்ணாவிரதத்தைக் கைவிடுமாறு கேட்டுக் கொண்ட பிறகும், "லோக்பால் நிறைவேறும் வரை உண்ணாவிரதத்தைத் தொடர்வேன். என்னால் இன்னும் 3 அல்லது 4 நாட்கள் வரை கூட உண்ணாவிரதம் இருக்க முடியும்' என அன்னா ஹஸாரே பிடிவாதமாகக் கூறியுள்ளார்.

அன்னா ஹசாரே டெல்லியில் இன்று 12-வது நாளாக உண்ணாவிரதம் இருந்து வருகிறார். லோக்பால் மசோதா குறித்து பாராளுமன்றத்தில் இன்று விவாதம் நடந்து வருகிறது. எனவே அன்னா ஹசாரே உண்ணாவிரதத்தை கைவிட வேண்டும் என்று மத்திய மந்திரிகள் கோரிக்கை விடுத்துள்ளனர்.

இந்த நிலையில் அன்னா ஹசாரே குழுவைச் சேர்ந்த சிலரும் உண்ணாவிரத போராட்டம் நீடிப்பதை விருப்பவில்லை. அவர்களும் இந்த போராட்டத்தை முடிவுக்கு கொண்டு வரும் முயற்சிகளில் ஈடுபட்டுள்ளனர்.

இதற்கிடையே அன்னா ஹசாரேயின் உடல்நிலை இன்று காலை மிகவும் மோசமானது. அவரது இதய துடிப்பு பல மடங்கு அதிகரித்து விட்டது. இதனால் அவருக்கு உடனடியாக மருத்துவ சிகிச்சை கொடுக்க வேண்டும் என்று டாக்டர்கள் எச்சரித்துள்ளனர்.

இதையடுத்து அன்னா ஹசாரேயின் உண்ணாவிரதம் முடிவுக்கு வரலாம் என்று எதிர்பபார்க்கப்பட்டது. ஆனால் அன்னா ஹசாரே தனது முடிவில் பிடிவாதமாக உள்ளார். நேற்று எதுவும் பேசாமல் அமைதியாக உண்ணாவிரதம் இருந்த அன்னா ஹசாரே இன்று காலை தனது ஆதரவாளர்கள் மத்தியில் பேசினார்.

அவர் கூறுகையில், "ஊழலுக்கு எதிரான வலுவான லோக்பால் சட்டம் பாராளுமன்றத்தில் நிறைவேற்றப்படும் வரை எனது போராட்டம் தொடரும். என்னால் இன்னும் 3 அல்லது 4 நாட்களுக்கு கூட உண்ணாவிரதம் இருக்க முடியும். எனக்கு எதுவும் ஏற்பட்டு விடாது. எனது கடைசி மூச்சு இருக்கும்வரை போராடுவேன்.

தனிப்பட்ட நலன் அல்ல...

லோக்பால் நிறைவேறும் வரை எனது மூச்சு ஓயாது. எனது தனிப்பட்ட நலனுக்காக நான் இந்த போராட்டத்தை நடத்த வில்லை. அப்படி சுயநலத்தோடு செய்து இருந்தால் 5 நாட்களில் அது முடிந்திருக்கும்.

எனவே லோக்பால் நிறைவேறும் வரை எனது போராட்டத்தை தொடர்வதில் உறுதியாக இருக்கிறேன்.

நாடு முழுவதும் மக்கள் கொடுக்கும் ஆதரவு எனக்கு புதிய தெம்பைக் கொடுக்கிறது. எனவே எதற்கும் நான் அஞ்சுவதாக இல்லை. பின்வாங்கவும் மாட்டேன்.

சாதாரண என்னை போன்ற ஒருவருக்கு நாடு முழுவதும் இத்தகைய ஆதரவு கிடைத்து இருப்பது எனக்கு ஆச்சரியமாக உள்ளது. கடவுள் என்னை கைகாட்டி இருப்பதால் இதை செய்கிறேன். கடவுள்தான் அனைத்தையும் நடத்திக் கொண்டிருக்கிறார்," என்றார்.

இன்றாவது முடியுமா?

ஹஸாரேயின் இந்த பேச்சு, மத்திய அரசின் வேண்டுகோளுக்கு அவர் செவி சாய்க்க மாட்டார் என்பதை தெரிவித்துள்ளது.

எனவே இன்று இரவுக்குள் அவரை கைது செய்து மருத்துவமனைக்கு அழைத்துச் செல்ல அரசுத் தரப்பு முடிவு செய்துள்ளதாக டெல்லி வட்டாரங்கள் தெரிவிக்கின்றன.

அவர் கூறுகையில், "ஊழலுக்கு எதிரான வலுவான லோக்பால் சட்டம்
பாராளுமன்றத்தில் நிறைவேற்றப்படும் வரை எனது போராட்டம் தொடரும். என்னால்
இன்னும் 3 அல்லது 4 நாட்களுக்கு கூட உண்ணாவிரதம் இருக்க முடியும். எனக்கு
எதுவும் ஏற்பட்டு விடாது. எனது கடைசி மூச்சு இருக்கும்வரை போராடுவேன்.

இதுவரையில் இவரை யாரும் இன்னும் கண்டுக்கவே இல்லையா?
அரசாங்கம்