உப்பு, எண்ணெய் கூடுதல் பாவனையால் அதிக உயிரிழப்புகள்

உப்பு, எண்ணெய் கூடுதல் பாவனையால் அதிக உயிரிழப்புகள்
நிரூஷி விமலவீர
இலங்கையில் அதிக மக்கள் மரணிப்பதற்கு மாரடைப்பு, அதிக குருதி அமுக்கம் ஆகியவையே காரணமென கண்டறியப்பட்டுள்ளது.

இலங்கை மக்களின் உணவு பழக்கவழக்கத்தில் அதிகம் உப்பு மற்றும் எண்ணெய் வகை சேர்ப்பதே இதன் முக்கிய காரணமென ஆய்வொன்றினை மேற்கொண்ட உலக சுகாதார அமைப்பைச் சேர்ந்த ஆய்வாளர் குழுவொன்று இதனை அறிவித்துள்ளது.

இலங்கை, ஜப்பான் உள்ளிட்ட நாடு களில் தொற்றாத நோய் அதிகரிப்பதற்கான காரணத்தை கண்டறிவதற்காக ஆய்வொன் றினை மேற்கொள்வதற்கு இக்குழுவை உலக சுகாதார அமைப்பு நியமித்திருந்தது. இதன் அறிக்கை கடந்த வியாழக்கிழமை சுகாதார அமைச்சின் மேலதிகச் செயலாளர் பாலித்த மஹீபாலவிடம் கையளிக்கப்பட்டது.

இக்குழுவின் ஆய்வின் பிரகாரம் மாரடைப்பு, அதிக குருதி அமுக்கம் உள்ளிட்ட தொற்றாத நோய்களை கடல் மீனை உணவில் சேர்த்துக்கொள்வதன் மூலம் கட்டுப்படுத்த முடியுமென சிபாரிசு செய்யப்பட்டுள்ளது.

கற்பிலுள்ள சிசுவுக்கும் கூட தாய் உண்ணும் உணவின் மூலம் இதய நோய்கள் கடத்தப்படலாமென உலகில் முதல் முறையாக இந்த ஆய்வுக் குழு வினால் கண்டுபிடிக்கப்பட்டுள்ளது. இலங்கையில் கர்ப்பிணித் தாய்மார் சிலரை வைத்து மேற்கொண்ட ஆய்வின் மூலமே இத்தகவல்கள் வெளியாகியுள்ளது.