Wikileaks இணையத்தளம்: ‘சைபர்’ தாக்குதலால் பாதிப்பு

by **நண்பன்** Thu 1 Sep 2011 - 11:24

Wikileaks இணையத்தளம்: ‘சைபர்’ தாக்குதலால் பாதிப்பு
அமெரிக்க இராஜாங்கத் திணைக்களத்தின் இரகசிய தகவல்கள் உட்பட நாடுகளுக்கிடையிலான ஆயிரக்கணக்கான இரகசியத் தகவல்களை வெளியிட்டு உலகளாவிய ரீதியில் பரபரப்பை ஏற்படுத்திய விக்கிலீக்ஸ் இணையத்தளம் சைபர் தாக்குதலுக்கு உள்ளாகியுள்ளது.

தீikilலீaks.org என்ற தமது இணையத்தளம் சைபர் தாக்குதலுக்கு உள்ளாகியிருப்பதாகவும், மாற்று இணையத்தளத்தினூடாக தகவல்களைப் பார்க்க முடியுமென்றும் இணையத்தளத்தைச் சார்ந்தவர்கள் அறிவித்துள்ளனர்.

விக்கிலீக்ஸ் இணையத்தளம் வெளியிட்ட, வெளியிட்டுவரும் இராஜதந்திர ரீதியிலான தகவல்கள் யாவும் ஒபாமா நிர்வாகத்துக்கு மேலும் நெருக்கடிகளை ஏற்படுத்திவந்த நிலையிலேயே இந்த இணையத்தளம் சைபர் தாக்குதலுக்கு உள்ளாகியுள்ளது. எனினும், இந்தத் தாக்குதலுக்குப் பின்னணியில் யார் உள்ளார்கள் என்பது இதுவரை அறிவிக்கப்படவில்லை.

அமெரிக்காவின் கொள்கைகளில் தாக்கத்தைச் செலுத்தக்கூடிய தகவல்கள் உள்ளடங்கலாக ஒரு இலட்சத்து 25ஆயிரத்துக்கும் அதிகமான இரகசிய ஆவணங்களை விக்கிலீக்ஸ் இணையத்தளம் பகிரங்கப்படுத்தியிருந்தது.

எனினும், இவற்றை வழங்கியவர்கள் பற்றிய தகவல்கள் எதனையும் அது வெளியிட்டிருக்கவில்லை. அதேநேரம், இரகசிய ஆவணங்கள் வெளியிடப் பட்டிருப்பதை கடுமையாகக் கண்டிப்பதாகத் தெரிவித்திருக்கும் அமெரிக்க இராஜாங்கத் திணைக்களப் பேச்சாளர் விக்டோரியா நூலண்ட், இவ்வாறான நடவடிக்கையானது இராஜதந்திர நடவடிக்கைகளைப் பாதிப்பதுடன், இராஜதந்திரிகளின் உயிர்களுக்கும் அச்சுறத்தலை ஏற்படுத்தியுள்ளது என்றும் தெரிவித்துள்ளார்.

தேசிய பாதுகாப்புக்கு அச்சுறுத்தல் ஏற்படுத்தும் வகையில் மேற்கொள்ளப்படும் சம்பவங்கள் தொடர்பில் தாம் உன்னிப்பாக அவதானித்து வருவதாகவும், இவ்வாறான சட்டவிரோத நடவடிக்கைகளைத் தடுப்பதற்கான முயற்சிகள் முன்னெடுக்கப்பட்டிருப்பதாகவும் அவர் கூறியுள்ளார்.