கைதிகள் விடுதலையாகும் போது 5 இலட்சம் ரூபா காப்புறுதிப் பணம்

கைதிகள் விடுதலையாகும் போது 5 இலட்சம் ரூபா காப்புறுதிப் பணம்
முஸ்லிம் கைதிகளுடன் அமர்ந்து அமைச்சர் கஜதீர நோன்பு திறப்பு
சிறைக்கைதிகள் சிறைச்சாலைகளிலிருந்து விடுதலையாகி செல்லும்போது 5 இலட்சம் ரூபா வழங்கும் வகையில் காப்புறுதித் திட்டமொன்று செயற்படுத்தப்படவுள்ளது என்று சிறைச்சாலைகள் மறுசீரமைப்பு அமைச்சர் சந்திரசிறி கஜதீர தெரிவித்தார்.

சிறைச்சாலைகள் மறுசீரமைப்பு அமைச்சர் சந்திரசிறி கஜதீர முஸ்லிம் கைதிகளுடன் ஒன்றாக அமர்ந்து மிகவும் மகிழ்ச்சியாக இப்தார் நோன்பு துறந்த நிகழ்வொன்றில் கலந்து கொண்டார். இந்நிகழ்வு மஹரை சிறைச்சாலையில் நடைபெற்றது. இந்நிகழ்வில் உரையாற்றும் போதே அவர் இவ்வாறு தெரிவித்தார். அமைச்சர் முஸ்லிம் கைதிகளுடன் நோன்பு துறந்தது குறித்து பாராளுமன்ற உறுப்பினர் ஏ. எச். எம். அஸ்வர் கருத்து தெரிவிக்கையில் கூறியதாவது :-

வரலாற்றில் முதற் தடவையாக அமைச்சர் ஒருவர் முஸ்லிம் கைதிகளுடன் ஒன்றாக அமர்ந்து இவ்வாறு நோன்பு துறந்துள்ளார். இதன் மூலம் அவர் வரலாற்றில் இடம்பிடித்து விட்டார்.

முஸ்லிம் சிறைக்கைதிகளும் மனிதர்கள் என்று எண்ணி இவ்விதம் அவர்களோடு ஒன்றாக இணைந்து அமர்ந்து பேரீச்சம் பழங்கள், கஞ்சி போன்றவற்றை அருந்தியதன் மூலம் அமைச்சர் சந்திரசிறி கஜதீர முஸ்லிம்களது நெஞ்சிலும் முஸ்லிம் சமூகத்தினரது உள்ளங்களிலும் இடம்பிடித்து விட்டார். முஸ்லிம்கள் கடைப்பிடிக்கும் நோன்பையும் முஸ்லிம் சமூகத்தையும் அவர் எவ்வளவு தூரம் மதித்துள்ளார் என்பது இதன் மூலம் புலப்படுகிறது.

சிறைக்கைதிகள் சிறைச்சாலைகளிலிருந்து விடுதலையாகி செல்லும்போது 5 இலட்சம் ரூபா வழங்கும் வகையில் காப்பு றுதித் திட்டமொன்று செயற்படுத்தப்பட வுள்ளது என்றும் சிறைச்சாலைகள் மறுசீரமைப்பு அமைச்சர் சந்திரசிறி கஜதீர தெரிவித்தார். சிறைக்கைதிகளுக்கு சிறைச்சாலைகளில் தொழிற் பயிற்சிகள் வழங்கப்படுகின்றன. இவ்வாறு தொழிற்பயிற்சி பெறும் கைதிகள் சிறைச்சாலைகளை விட்டு வெளியேறும் போது வழங்கப்படும் காப்புறுதி பணமான 5 இலட்சம் ரூபாவைக் கொண்டு சுயதொழில்களை ஆரம்பிக்கலாம். இதுவே மஹிந்த சிந்தனையின் கருவூலம் என்றும் அமைச்சர் சந்திர கஜதீர குறிப்பிட்டார். இந்த நிகழ்வில் சிறைச்சாலை கள் மறுசீரமைப்பு அமைச்சின் செயலாளர் எஸ். திசாநாயக்க, சிறைச்சாலைகள் ஆணையாளர் கொடிபிலி, மஹரை சிறைச்சாலை மேலதிகாரி விக்ரமசிங்க, மஹர மலாய் அமைப்பைச் சேர்ந்த ஓய்வுபெற்ற கடற்படை வீரர் கப்டன் பவுஸ், துவான் மாமூர் உட்பட அதிகாரிகள் பலருடன் பெருந்தொகையானோர் கலந்து கொண்டனர்.

கைதிகளுக்கான மஃரிப் தொழுகையை அல்ஹாஜ் ஏ. எச். எம். அஸ்வர் இமாமாக இருந்து நடத்தினார்.

:!+: :!+: