கைத்தொலைபேசியால் திருடனுக்கு வந்த சோதனை

கைத்தொலைபேசியால்
திருடனுக்கு வந்த சோதனை




காரைதீவு குறூப் நிருபர்

நள்ளிரவில் வீட்டுக்குள் புகுந்து திருடச் சென்ற சமயம் அவனது கையடக்கத் தொலைபேசி
அலறியதால் திருடன் தலை தெறிக்க ஓடித் தப்பிய சம்பவமொன்று நடந்துள்ளது.
இச்சம்பவம் சனியன்றிரவு திருக்கோவில்-2 அரிய நாயகம் வீதி யிலுள்ள வீடொன்றில்
நடந்துள்ளது.
இச்சம்பவம் பற்றி சம்பந்தப்பட்ட வீட்டுப் பெண் கூறியதாவது, கடந்த சனியன்று இரவு
வீட்டில் தனியாக இருந்தேன். இரவு நித்திரையில் ஆழ்ந்திருக்கையில் வெளியில் சத்தம்
கேட்டது. மெதுவாக எழுந்து பார்த்தேன். நேரம் 11.30 அடுத்த அறையில் ஒருவர் நடமாடுவது
கேட்டது. அவன் நிச்சயமாக கள்வனாகத்தான் இருக்குமென்று என்னை நான்
தயார்படுத்திக்கொண்டேன். மறுகணம் நான் தூங்கிக்கொண்டிருந்த அறைக் கதவின் வார்த்தடி
மெதுவாக கழட்டப்படும் சத்தம் கேட்டது. எனக்கோ ஒரு புறம் பயம் மறுபுறம் தனியே.
எப்படிச் சமாளிப்பது என்ற எண்ணத்துடன் கத்தி கூக்குரலிடுவதுடன் கிடைக்கும் பொருளால்
தாக்குவது என்று முடிவானேன்.
அத்தருணம் ‘வார்த்தடி’யும் கழன்று விழுந்தது, திக் என்றது. அதே கணம் செல்போன் அலறும்
ஓசை கேட்டது. ஆம், அவனது கையடக்கத் தொலைபேசிக்கு யாரோ கோல் எடுத்திருக்கக் கூடும்.
தொலைபேசி அலற நானும் உள்ளிருந்து அலற அவன் செய்வதறியாது பாய்ந்து ஓடினான்.
பலருக்கு செல்போன் பல இம்சைகளை, பிரச்சினைகளைக் கொடுத்த போதும், இந்தப் பெண்ணுக்கு
அது நன்மையைக் கொடுத்திருக்கிறது.

:!+: